शनिच्चर माघ ०८ | थारु संम्बत:२६४५
८ माघ २०७८, शनिबार
January 22, 2022

धनगढी ३ के नेता तल्वामे वाटर (पानी) पार्क निर्माण कार्य सुरु करले बाटै …

२८ पुष २०७८, बुधबार
धनगढी ३ के नेता तल्वामे वाटर (पानी) पार्क निर्माण कार्य सुरु करले बाटै …

धनगढी। धनगढी उपमहानगरपालिका वडा नम्बर ३ मे रहल नेता तल्वामे वाटर (पानी) पार्क निर्माणके काम सुरु हुइल बा ।

पर्यटन उपज विकास कार्यक्रम अन्तर्गत नेता तल्वाके अतिरिक्त पानी अण्डर ग्राउण्ड पाइप से निकासके लाग काम सुरु हुइल बा ।
धनगढी उपमहानगरपालिकाका नगर प्रमुख नृपबहादुर वडा अाे उपप्रमुख सुशिला मिश्र निर्माण थालनीके काम मंगलबार से सुरू करले बाटै ।
कामके सुरवट करती नगर प्रमुख नृपबहादुर वड ५०/५० पार्टनर सिप साझेदारीमे नेता तल्वाके कार्यक्रम सुरु हुइल बटैलै । ‘इ कार्यक्रमसे पहिले नेता तल्वा वाटर(पानी) पार्कके रुपमे विकास हुइ, दोसर धेउर रहल पानी सिचाईमे प्रयोग हुइ अाे तिसर डुबानके समस्या धेउर हदसम्म समाधान हुइ ’ नगर प्रमुख वड कलै, ‘इ परियोजना बि.स.२०८१ सम सेके परना बा। तर, मै निर्माण कम्पनीसे जटरा हाली जाल्दी सक्न अनुरोध करले बाटु ।’

‘उपमहानगरपालिकाके वडा नम्बर २,३,१३ र १४ डुबानके अति जोखिममे परट । डुबान कम कर्न हामरे बिभिन्न उपाय अबलम्बन कती अाघे बढ्ती बटी ’ नगर प्रमुख वड कलै ‘इ कार्यक्रम धेउर हदसम डुबान कम कर्न सहयोग करट ।’ धनगढी उपमहानगरपालिका शहर विकास तथा प्राविधिक प्रमुख डिभिजन ईन्जियिर दीजराज भट्ट कुल लागत ७ करोड १० लाख हुइले से फे बिट करबाे ते ४ करोड १० लाखमे पहिलो चरणके काम सुरु हुइल बतैलै । ‘आउटलेटसे पानी निकासके लग काम सुरु हुइल बा । इ पहिलो चरणके काम हो’ डिभिजन ईन्जिनियर दीजराज भट्ट चहि , ‘पहिलो चरणमे पानी निकासके कामहे प्राथमिकता देहल हाे । दोश्रो चरणमे तल्वा भित्रके संरचना, तल्वा सौन्दयीकरण, पर्यटकीय क्षेत्रके रुपमे विकास करना काम हुइना बा ।’