अत्वार माघ ०९ | थारु संम्बत:२६४५
९ माघ २०७८, आईतवार
January 23, 2022

सक्कु ठाउँमे हुइल दुर्घटनामे चारजहुनके मृत्यु

३० पुष २०७८, शुक्रबार
सक्कु ठाउँमे हुइल दुर्घटनामे चारजहुनके मृत्यु

काठमाडौं : देशके सक्कु ठाउँ मे हुइल सवारी दुर्घटनामे चार जहुनाके मृत्यु हुइल बा ।

धनकुटाके धनकुटा नगरपालिका-२ नागढुंगामे शुक्रबार बिहानके टिपर दुर्घटना हुँइल बेला दुई जहुनके मृत्यु हुइल बा। टिपर चालक प्युठानके माण्डबी गाउँपालिका-१ के २७ वर्षीय भुबन ठेडी मगर ओ परिचालक दाङके बबई गाउँपालिका-३ के २१ वर्षीय नवीन विश्वकर्माके घटनास्थलमे मृत्यु हुइल प्रहरील जनैले बटै ।

धनकुटासे तेह्रथुमके बसन्तपुर जाँइटी रहल बागमती प्रदेश, ०३–००१ क ०५४९ नम्बरके टिपर बिहानके पौने ५ बजे अनियन्त्रित भई सडकसे करिब २५ मिटर तरे खसल प्रहरी जनैले बटै ।

अस्तके ‚ झापाके भद्रपुर नगरपालिका-४ बरगाछीमे मोटरसाइकलके ठक्करसे एक बृद्धके मृत्यु हुइल बा । मृत्यु हुइलमे स्थानीय ७७ वर्षीय जगतबहादुर कार्की रहल प्रहरी जनैले बटै । तीन जने सवार मे १० प ४४१९ नम्बरके मोटरसाइकल पैदलयात्री कार्कीहे ठक्कर दिहल।

सिराहाके गोलबजार नगरपालिका-४ मामोटरसाइकल दुर्घटनामे एक जनाके मृत्यु हुइल बा । मृत्यु हुइलमे मोटरसाइकल चालक गोलबजार-६ के ४२ वर्षीय कृष्णबिर यादव रहीट्। उही उपचारके लाग अस्पताल लैजीना क्रममे डगारमे मुत्यु हूइल इलाका प्रहरी कार्यालय गोलबजार जनैले बा ।