धनगढी : कैलालीके धनगढीस्थित एकथाे मोबाइल ग्यालरीमसे पुलिसवा नै मोबाइल चोरल भिडियो सार्वजनिक हुइल बा। धनगढीस्थित ट्राफिक चोकमे रहल ग्लोबल मोबाइल ग्यालरीमे एकथाे पुलिसवा मोबाइल चोरी करलके सीसी क्यामेराके भिडियो सार्वजनिक हुइल बा।
`लागूऔषध कारोबार हुइता कहि ग्यालरीमे खानतलासी करे पुलिसनके टोली आइल रहे ,´ सञ्चालक सुवास रावल दिनेशखबरहे कलैइ , `खानतलासीके नाममे दुई थाे मोबाइल पुलीस कर्मचारी चाेरी कररे बटै ।´ उहा चोरीमे सलग्न पुलिसनहे कार्बहीके माग करटी पुलिसनमे निवेदन दिहल बतैलै। जिल्ला प्रहरी कार्यालय कैलालीके पुलिस उपरीक्षक विश्व अधिकारी सोबार छानबिन हुइटीरहल बतैलै।
पुलिस लागूऔषध कारोबार हुइतीरहल कना सूचनाके आधारमे ग्यालरीमसे ३ जहुनहे पक्राउ करल रहीट्। धनगढी–५ का पसल सञ्चालक दोर्णबहादुर रावल, वडा नम्बर २ बथना वर्ष २९ का टेक बिष्ट अाे वडा नम्बर ४ के ३० वर्षीय मनिष भण्डारीहे पक्राउ करल जिल्ला प्रहरी कार्यालय कैलाली जनै बा । उहाके सग साथमे १ ग्राम ५५० मिलिग्राम खैरो हिरोइन फेला परल बताइल बा ।
