सोम्मार जेठ ०२ | थारु संम्बत:२६४५
२ जेष्ठ २०७९, सोमबार
May 16, 2022

काठमाडौ उपत्यकामे आजसे जोरबिजोर प्रणाली

७ माघ २०७८, शुक्रबार
काठमाडौ उपत्यकामे आजसे जोरबिजोर प्रणाली

काठमाडौं ः काठमाडौ, भक्तपुर ओ ललितपुर जिल्ला प्रशासन कार्यालय आज राति से लागू हुइना कैके निजी तथा सार्वजनिक यातायातके साधनमे जोरबिजोर प्रणाली लागू करले बाटै ।

तीन जिल्लाके प्रमुख जिल्ला अधिकारीनके संयुक्त बैठकसे कोरोना संक्रमणके जोखिम कम नैहुइठ् सम्मके लग जोरबिजोर प्रणाली लागू कर्ना निर्णय करगैल हो ।

अस्टके सार्वजनिक सवारीमे सीट क्षमतासे ज्याडा यात्रु नैढारे पैना , सक्कु यत्रुनहे मास्क अनिवार्य कर्ना , सवारी साधानके ढोकामे ओ सवारी साधनभित्टर यात्रुहे प्रयोग कर्ना कैके सेनिटाइजरके व्यवस्था करेपर्ना आदेशमे उल्लेख बा ।

अस्टके जिल्लाभित्रेक् सक्कु सार्वजनिक ओ सरकारी निकायम् आलोपालेम् सेवा प्रवाहके उचित प्रबन्ध कार्यालय प्रमुख कर्ना आदेशमे उल्लेख बा ।

अस्टके डिपार्टमेन्ट स्टोर, सपिङ मल लगायतमे अधिकतम २० जनेसे ढेर प्रवेश नैदेना कैके आवश्यक व्यवस्था मिलैना निर्देशन डेगैल बा छ । सार्वजनिक सेवा लेहे जाइबेर अनिवार्य खोप कार्ड बोके पर्ना बा । अस्टके सार्वजनिक ठाउँम् थुक्ना फेन प्रतिबन्ध लगागैल बा ।