सोम्मार जेठ ०२ | थारु संम्बत:२६४५
२ जेष्ठ २०७९, सोमबार
May 16, 2022

पत्रकार विश्वकर्माके उपचारमे लापरवाही कर्ना अस्पतालहे कारबाहीके माग

७ माघ २०७८, शुक्रबार
पत्रकार विश्वकर्माके  उपचारमे  लापरवाही कर्ना  अस्पतालहे कारबाहीके  माग

काठमाडौँ ः पत्रकारसँग सम्बन्धित विभिन्न सङ्घसङ्गठनके बिहीबार मृत्यु हुइल पत्रकार एलबी विश्वकर्माके उपचारमे लापरवाही कर्ना अस्पतालहे कारबाही करेपर्ना माग करले बाटै ।

श्रमजीवी पत्रकार सङ्घ नेपाल नयाँबानेश्वरस्थित निजामती कर्मचारी अस्पताल (सिभिल अस्पताल)मे उपचारके लग पठागैल पत्रकार विश्वकर्मा हे कोरोना परीक्षणबिना उपचार नैहुइना कहिके लापरवाही करके मृत्यु हुइलहो कटि सो अस्पतालहे कारबाहीके माग करगिल बा । सङ्घ विज्ञप्ति जारी करके घटनाके दोषीउपर छानविनसहित कर्रा कारबाही करेपर्ना ओ पीडित परिवारहे उचित क्षतिपूर्तिके व्यवस्था कर्ना अनुरोधसमेत कर्ले बा ।

टिभी टुडे टेलिभिजनमे कार्यरत पत्रकार विश्वकर्माके स्वास्थ्यमे अचानक समस्या देखाइलपाछे बुधबार रात ललितपुरस्थित पाटन अस्पताल पुगाइल पाछे उपचारके क्रममे बिहीबार बिहान् ३ः०० बजे निधन हुइलक् हो । २६ वर्षीय स्व विश्वकर्माके श्रीमती ओ तीन वर्षीय एकठो छावा बटिन् । अछामके रामारोशन निवासी विश्वकर्मा पाछक् समय काठमाडौँम् रहीके पत्रकारितामे सक्रिय रहिठ् । उहाँ इमेज टेलिभिजन, जनता टेलिभिजन, इकागज डटकमलगायतमे काम कर्ले रहिठ् ।

ओस्टके राष्ट्रिय दलित पत्रकार सङ्घ नेपाल, पत्रकार विश्वकर्मा सहज उपचार नैपाके निधन हुइलक् जनैटि सो विषयमे तत्काल छानबिन करके उपचारमे लापरवाही कर्ना स्पतालहे कारबाही करेपर्ना माग करले बा । समाजवादी प्रेस सङ्गठन नेपाल फेन विज्ञप्ति जारी कर्के पत्रकार विश्वकर्माके निधनसे नेपाली पत्रकारिता क्षेत्र एक कुशल, ऊर्जाशील पत्रकार ओ समाजवादी प्रेस सङ्गठन एक कर्मठ संस्थापक सदस्य गुमाइल जनैले बा ।

नेपाल पत्रकार महासङ्घ एशोसिएट प्रदेश समिति फेन पत्रकार विश्वकर्माके निधनप्रति दुःख व्यक्त करले बा । मृतक विश्वकर्माके बिहीबार नै पशुपति आर्यघाटमे दाहसंस्कार करगैल बा ।