सोम्मार जेठ ०२ | थारु संम्बत:२६४५
२ जेष्ठ २०७९, सोमबार
May 16, 2022

आजसे अनिश्चितकालके लग लकडाउनके घोषणा

७ माघ २०७८, शुक्रबार
आजसे अनिश्चितकालके  लग  लकडाउनके घोषणा

हल्दिबारी । झापामे पहिलचो हल्दिबारी गाउँपालिका वडा नं. १ लकडाउनके घोषणा करले बा । को’रोना भाइरस संक्रमणके तेस्रो लहर शुरु हुइल पाछे जिल्लामे हल्दिवारी १ बाहेक् औरे जे लकडाउन नै करले हुइठ् ।

संक्रमणके जो’खिमहे कम करक् लग आजसे लागु हुइना करके अनिश्चितकालिन लकडाउन करल वडाध्यक्ष त्रिलोचन सापकोटा जानकारी डेलै । हल्दिबारी गाउँपालिका वडा नं. १ अन्तरगत के’रोना रोकथाम नियन्त्रण समितिसहितके सर्वदलीय बैठक औरे सूचना प्रकाशित नैहुइठ सम्मके लग लकडाउन घोषणा करल होे ।

गोलधाप बजारमे रहल जनजागृति माध्यमिक विद्यालयके शिक्षकसहित स्थानीय २१ जहनहे को’रोना संक्रमण देखाइल पाछे हल्दिबारी गाउँपालिका– १ नम्बर वडा कार्यालयआपन भूगोलमे लकडाउन घोषणा करल वडाध्यक्ष त्रिलोचन सापकोटा बतैले बाटै ।

बुधबार गोलधाप स्वास्थ्य चौकीम् ६० जहनके स्वाब परीक्षण करेबर १३ पुरुष ओ ८ महिला करके २१ जहन हे को’रोना संक्रमण पुष्टि हुइल रहे । ओम्ने जनजागृति माविके ६ जने शिक्षक फे रहल बाटै । वडाध्यक्ष त्रिलोचन सापकोटक् जारी करल सूचनाम् आज से अत्यावश्यक कामबाहेक नैग घुम् कर्ना रोक लगैना ,

साप्ताहिक हाटबजार पूर्णरुपमे बन्द कर्ना , स्थानीय व्यवसाय तथा वित्तीय कारोबार अनिवार्यरुपमे स्वास्थ्य मापदण्ड अपनाके सेवा प्रदान कर्ना , ओ’मिक्रोनके लक्षण रहल ओ सङ्क्रमितओइनके कन्ट्याक्ट ट्रेसिङमे पर्नेओइने प्रत्येक हप्ताक् शुक्रबार गोलधाप स्वास्थ्य चौ’कीम् जाके एन्टीजेन परीक्षण करैना उल्लेख बा ।

अनावश्यक नेंगघुम रोक्के आपन वडा ओगोटल भूगोल हे किल लकडाउन करल मे फेन संक्रमण फैलना से रोक्ना सहयोग पुग्ना हुइलक मारे वडा अन्तरगतके को’रोना रोकथाम नियन्त्रण समितिके सिफरिसमे असिन निर्णय करेपरल वडाध्यक्ष सापकोटा बतैले बाटै ।