शुक कुँवार १४ | थारु संम्बत:२६४५
१४ आश्विन २०७९, शुक्रबार
September 30, 2022

अष्ट्रेलियन ओपन टेनिसके उपाधि बार्टी जित्लिन

१६ माघ २०७८, आईतवार
अष्ट्रेलियन ओपन टेनिसके उपाधि बार्टी जित्लिन

काठमाडौं : विश्व नम्बर एक अस्लेग बार्टी अष्ट्रेलियन ओपनके उपाधि जितले बटिन् ।

शनिबार मेलबर्न पार्कमे हुइल फाइनल खेलमे अमेरिकी खेलाडी ड्यानियल कोलिन्सहे ६–३, ७–६ (७–२) के सोझ सेटमे पराजित कर्टि बार्टी पहिलपटक अष्ट्रेलियन ओपनके उपाधि जितल हुइन् ।

बार्टी पहिलपटक अष्ट्रेलियन ओपनमे सिङ्गल्सके फाइनल पुग्के उपाधि जितल हुइन् । इहिसे आघे सन् २०१३ मे उ डबल्सके फाइनल पुग्के हारल रहिन् ।
पुरुष तर्फके उपाधिके लाग आझ रफायल नाडाल ओ डानिल मेडभेडेभबीच प्रतिस्पर्धा हुइटिन् ।

३५ वर्षके स्पेनिस खेलाडी नाडाल कीर्तिमानी २१ औँ ग्राण्डसलाम उपाधिके होडमे बटै । उ अब्बासम्म नोभाक जोकोभिच, रोजर फेडेररके जस्तै २० ठो ग्राण्डसलाम उपाधि जिट्ले बटै ।

युएस ओपन टेनिस विजेता मेडभेडेभ अस्ट्रेलियन ओपन टेनिस जितके ओपन एरामे लगातार दोस्रो ग्राण्डसलाम जित्ना कीर्तिमानके होडमे बटै ।