बिफे अगहन १५ | थारु संम्बत:२६४५
१५ मंसिर २०७९, बिहीबार
December 1, 2022

दुर्गेश थापाक् गीत प्रसारणमे रोक्ना माग

१७ माघ २०७८, सोमबार
दुर्गेश थापाक् गीत प्रसारणमे रोक्ना माग

काठमाडौं : वैज्ञानिक समाजवादी महिला संगठन भर्खरे सार्वजनिक हुइलक् गायक दुर्गेश थापाके गीतमे महिलनहे पैसक्सँगे तुलना करल कटि प्रसारण बन्द कर्ना आग्रह करले बा ।
संगठन आइतबार विज्ञप्ति जारी करके हालै सार्वजनिक हुइल गायक थापाके ‘पैसा’ नामक म्युजिक भिडियोमे सभ्य समाजमे पाच्य नैहुइना मेरिक् शब्द प्रयोग हुइल जनैटि गीत प्रसारण बन्द कर्ना सम्बन्धित संस्था ओ राज्यके निकायहे अनुरोध करल हो ।

‘कलाकार ओइने प्रयोग कर्ना शब्द, वेशभूषा ओ प्रस्तुतिसे समाजमे अल्पकालीन ओ दीर्घकालीन असर पारठ,’ विज्ञप्तिमे कहगिल बा‚ ‘नेपाली समाजमे महिलाउप्पर हुइना बलात्कारजन्य हिंसा, मानसिक ओ शारीरिक रूपमे हुइना हिंसा वृद्धिमे सिनेमा, साहित्य ओ गीतमे महिलनके गरिमा ओ अस्तित्वहे सस्ता ओ महिलाद्वेषी प्रस्तुत फेन एक कारण हो।’