काठमाडौंः राष्ट्रिय मानव अधिकार आयोग पल शाह प्रकरणमे पक्ष ओ विपक्षमे प्रदर्शन कर्ना , अभिव्यक्ति देना ओ प्रचारबाजी कर्ना नैकर्ना आग्रह करले बा । अनुसन्धान प्रक्रिया चल्टिरहल बेला इ प्रकारके गतिविधिसे आरोपित ओ पीडित दुनु पक्षके गोपनीयता ओ मर्यादामे आँच पुग्नुके सँगे अनुसन्धान प्रक्रिया समेत प्रभावित हुनसक्ना आयोग जानकरि करले बा । अस्टके संयमित हाके अनुसन्धान प्रक्रियाहे सघैना आयोगके आग्रह बा ।
आयोग आझ प्रेस विज्ञप्ति जारी कर्टि कलेबा ‘गम्भीर प्रकृतिके अपराधके अनुसन्धान फौजदारी न्यायके सिद्धान्त अन्सार गोप्य, निष्पक्ष, स्वतन्त्र ओ भयरहित वातावरणमे हुइपरठ् ।’ आयोग गम्भीर प्रकृतिके फौजदारी अपराधके अनुसन्धान प्रक्रियाहे प्रभावित पार्ना कैके पक्ष ओ विपक्षमे समाचार सम्प्रेषण नैकर्ना , सम्बन्धित व्यक्तिके अनुमति विना भिडियो रेकर्ड नैकर्ना , रेकर्ड करल भिडियो सार्वजनिक नैकर्ना ओ अतिप्रचारके कारण प्रमाण नष्ट हुइना ओर विचार पुगैना आयोग आग्रह करले बा ।
अपनहे प्राप्त हुइल प्रमाण सार्वजनिक कर्नाके बड्ला अनुसन्धान अधिकारीओइनहे उपलब्ध करैना फेन आयोग सम्बद्ध सक्कु पक्षहे आग्रह करले बा ।
