धनगढीमे एक्सपर्ट आज वृहत शैक्षिक सम्मेलन हुइना बा । एक्सपर्ट एजुकेशन एण्ड भिषा सर्भिसेजके आयोजनामे आज धनगढीके रुवस होटेलमे एक्सपर्ट शैक्षिक सम्मेलन हुइना जनागिल बा ।
अध्ययनके लाग विदेश जाई चहना विद्यार्थीहुक्रे शैक्षिक सम्मेलनमे भाग लेहे सेक्ना ओ ओइनहे निःशुल्क प्रवेशके व्यवस्था करल एक्सपर्ट एजुकेशन एण्ड भिषा सर्भिसेज धनगढीके प्रबन्ध निर्देशक दिपेन्द्र चौधरी जानकारी डेलै । उहाँ अभिभावकफे आई सेक्ना बटैलै ।
शैक्षिक सम्मेलनमे विदेशके टमान विश्वविद्यालयके प्रतिनिधिहुकनके फे सहभागीता रही । ओइने अपन विश्वविद्यालयसे पठनपाठन करैटी रहल विषयके बारेमे विद्यार्थीहुकनहे अवगत कराजाई ।
पाँच बर्षआछे धनगढीमे स्थापना हुइल एक्सपर्ट एजुकेशन एण्ड भिषा सर्भिसेज धनगढी शाखासे बर्षमे दुई चो विद्यार्थीहुकनहे शैक्षिक सम्मेलन मार्फत जानकारी डेटी आइल बा । अष्ट्रेलिया क्यानडा वेलायत अमेरिका लगायतके देशमे उच्च शिक्षा हासिल करेक लाग जैना विद्याथीहुकनहे एक्सपर्ट एजुकेशन एण्ड भिषा सर्भिसेज धनगढीसे सुविधा डेटी आइल बा ।
उच्च शिक्षाके लाग अष्ट्रेलिया जाई चाहल विद्यार्थीहुकनहे लक्षित करके एक्सपर्टसे बेला बेलामे सेमिनारकेफे आयोजना करटी आइल बा । अष्ट्रेलियामे रहल विश्वविद्यालयके प्रतिनिधिहुकनहे नेपालमे उपस्थित कराके विद्यार्थीहुकनहे प्रत्यक्ष रुपमे अष्ट्रेलियाके बारेमे पूर्ण जानकारी कराइक लाग सेमिनार करटी आइल धनगढी शाखाके प्रबन्ध निर्देशक चौधरी बटैलै ।
