बिफे अगहन १५ | थारु संम्बत:२६४५
१५ मंसिर २०७९, बिहीबार
December 1, 2022

पहाडी भूभागमे चट्याङसहित हल्का वर्षाके सम्भावना

८ चैत्र २०७८, मंगलवार
पहाडी भूभागमे चट्याङसहित हल्का वर्षाके सम्भावना

पश्चिमी न्यूनचापीय प्रणालीके प्रभावलसे देशके पहाडी भू–भागमे आंशिकसे सामान्य बदरि रही कुछ ठाँउमे मेघगर्जन, चट्याङसहित हल्का वर्षाके सम्भावना बा।

सो प्रणालीके प्रभावसे पहाडी भू–भागमे आंशिकसे सामान्य बदली अाे प्रदेश-१ अाे गण्डकी प्रदेशके पहाडी भू–भागके कुछ स्थानमे मेघगर्जन, चट्याङसहित हल्का वर्षाके सम्भावना रहल जल तथा मौसम विज्ञान विभाग जनैले बा।

अन्य भू–भागमे सामान्यतया सफा रहन हुइल बा। रात देशके पहाडी भू–भागमे आंशिकसे सामान्य बदली रही प्रदेश-१ के पहाडी भू–भागके एक वा दुई स्थानमे मेघगर्जन, चट्याङसहित हल्का वर्षाके सम्भावना रहल बताइल बा।

देशभर तापक्रम बढ्न क्रममे रहल गर्मीके कारण हुइसक्न असरसे बच्न अाे पहाडी भू–भागके एक वा दुई ठाँउमे मेघगर्जन, चट्याङके सम्भावना रहलक अाेरसे आवश्यक सतर्कता अपनैन विभाग अनुरोध करले बा।

मौसम पूर्वानुमान महाशाखाके पछिल्लो विवरणानुसार आज काठमाडौँ उपत्यकाके न्यूनतम तापक्रम १४ दशमलव छ डिग्री अाे अधिकतम तापक्रम २९ दशमलव तीन डिग्री सेल्सियस रहल बा। अाेस्तक, आज सबसे कम जुम्लाके न्यूनतम तापक्रम चार दशमलव एक डिग्री अाे सबसे धेउर नेपालगञ्जके अधिकतम तापक्रम ३७ दशमलव शून्य डिग्री सेल्सियस रहल बा।