कञ्चनपुरके बेलौरी नगरपालिकासे मुक्त कमलहरी महिलन्हे सुरिक बच्चा डेगैल बा ।
बेलौरी नगरक्षेत्रके आठ जहन मुक्त कमलहरी महिलन्हे सुरिक बच्चा डेगैल हो । मुक्त कमलहरी महिलन्हे कृषिमे आत्मनिर्भर बनाइक लाग बेलौरी नगरपालिका एक एक जाेरी सुरिक बच्चा डेहल नगरप्रमुख पाेतिलाल चाैधरी बटैलैं । सुरिक बच्चा हस्तान्तरण कार्यक्रममे नगरप्रमुख चौधरी मुक्त कमलहरीन्हे सुरिक बच्चा डेटि कहलैं आर्थिक उपार्जनके लाग सहयोग हुइना बटैलैं ।
फिरिमे सुरिक बच्चा पाके ओ व्यवसायिक तालिम पाके बेलौरीके मुक्त कमलहरी खुसी हुइल मुक्त कमलहरीके जिल्ला अध्यक्ष सिता डँगाैरा थारु बटैलैं । उहाँ कहलैं, सुरिक बच्चा पाके हमार घर व्यवहार ओ जिनगी चलैना लिरौसी हुइल बा ।
