ज्यानमारा पुस्तैनी रोग

स्वास्थ्य १७ फाल्गुन २०७७, सोमबार Hits : 118
ज्यानमारा पुस्तैनी रोग

का हो सिकल् सेलएनिमिया?

सिकल् सेल एनिमिया मनैन् के रकट्मे बिल्गैना बंषाणुगत् समस्या हो, जेम्न रकत्वा मे रहल लाल कोष ( राता रक्त कोष ) पोक्चिल  हसियाँ आकार के होजाइठ। ई धेर हस मलेरिया से प्रभाबित ठाउँ के मनैन मन धेर बिल्गाइठ ।

ई समस्यासे डेह बठ्थैना, बेर बेर बेराम हुइना, डेहमन रकत नाई पुग्ना लगायत के डेहेक कौनो भाग मे क्षेती हुइना  समस्या बिल्गाइथ । ओ ई रोग मनै हेर हेर ओ सिकल सेल रोग हेर हेर फरक रहठ । कौनो मनै जुन तेङ्नारे ( बर्हयै ) रथै  कौनो जुन बेर बेर अस्पताल जाइल करेक पर्ना हुइ सेक्थिन ।

 का कारणसे हुइथ सिकल् सेल एनिमिया?

मनै ओक्स्सिजन् बिना बाचेँ नाई सेक्थै कना तो सब कोई जन्ले बाटी । रकट मे रहल लाल रकत्वा उ ओक्स्सिजन फोक्सा मन्से सोख के ( हेमोग्लोबिन  कना एक्ठो तत्व के मद्त से ) जम्मै ठाउँ मे नशेक भित्रे भित्रे पुगैना काम करठ। रकत्वामे रहल उ छोट् छोट् लाल कोष गुलियार हस रहठ आउर ओकर जम्मा आयु १२० दिनके रठिस । उहे रकत्वा मे रहल लाल कोष पोक्चिल हुके हसिया हस होजाइठ तब सिकल सेल एनिमिया कना रोग लागल बा कहिके पटा चलठ ।

अब ओक्सिजन बोक्ना गुलियार लाल कोष पोक्चिल हुके हसियाँ हस फोटु मनिक् हस् होजाई कालेसे का कैसिन समस्या अैइ सेकी अप्नेन के अन्दाज लगाई सेक्बी । उ तो ओक्सिजन् ठाउँ मे पुगाइक तो अौर नस्के भित्तर बुज्जा मारे हस होजाइठ ।

जनआवाजको टिप्पणीहरू