फुहर बयालसे वातावरण बहुट खतरनाक हुइल

समाचार २४ चैत्र २०७७, मंगलवार Hits : 43
फुहर बयालसे वातावरण बहुट खतरनाक हुइल

धनगढी २४ चैत । हाल देशभर वायु प्रदूषण बहरलक ओहोरसे अत्यावश्यक काम बाहेक घरसे बाहेर नैनिकरना जनस्वास्थ्य विज्ञ सुझाव डेले बटैं ।

वायु प्रदूषणसे स्वाशप्रश्वासमे कठिनाइ लगायत टमान स्वास्थ्य समस्या देखा परे सेक्ना हुइलक ओर से अत्यावश्यक काम बाहेक घर बाहेर नै निकरना ओ निकरनानै अवस्था बा कलेसे मास्कके प्रयोग करे पर्ना आग्रह करले बटैं । नेपाल स्वास्थ्य अनुसन्धान परिषद्के वरिष्ठ अनुसन्धान अधिकृत डा.मेघनाथ धिमाल वन जङ्गलमे राह लागके वायु प्रदूषण हुइलक ओरसे अत्यावश्यक काम बाहेक बाहेर नै निकरना ओ निकरे परि टे एन–९५ मास्क प्रयोग करे पर्ना समेत अनुरोध करले बटैं ।

उ वायु प्रदूषणके कारणसे फोक्सोमे क्यान्सर, मुटुसम्बन्धी रोग, मस्तिष्कघात, हृदयघात जसिना समस्या देखा परलक ओहोरसे बाहेर नैनिकरना अनुरोध करले बटैं । वायु प्रदूषणके कारणसे आँखी लाल हुइना, घाँटीमे समस्या औना ओ कपार पिरैना जसिन समस्या आइ सेकठ ।

नेपालमे वर्षेनी वायु प्रदूषणके कारण उत्पन्न हुइल रोगके कारणसे ३० से ३५ हजार मानिसके मैट हुइल बाट । विश्वमे ७० लाख मनैनके मौट हुइल बा । घरके भित्तरके वायु प्रदूषण कम ओ घरके बाहेर वायु प्रदूषण ढेर हुइना बटैलैं ।

उहाँ अत्यावश्यक नैहुइल सवारीसाधान नैचलैना ओ सवारीसाधन पेशा व्यवसायके कारण नैहोके वायुप्रदूषणके कारण कम कर्र्ना आग्रह करले बटैं । बालबालिका, गर्भवती महिला, दीर्घरोगी, ज्येष्ठ नागरिकके विशेष ख्याल करे पर्ना हो । वायु प्रदूषणके कारणसे घरके बाहेर खुला स्थानमे नै बैठना, नै खेल्ना ओ मर्निङवाकमे घर बाहेर जैना करटि कलेसेफे नैजिना समेत उहाँ अनुरोध करले ।

गर्मी हुइल संगे राहके कारण आज बिहानसे उपत्यकासहित देशभरके वायु प्रदूषण बहरल बा । ओकर आघे उपत्यकामे यहे चैतके १३ गतेसेफे असिन किसिमके प्रदूषण हुइल रहे । प्रदूषणके कारणसे सरकार यहे चैत १७ गतेसे २० गते सम विद्यालय बन्द करले रहे ।

जनआवाजको टिप्पणीहरू