ट्रकमे कार टकराक एक जहन के मौट

समाचार २५ चैत्र २०७७, बुधबार Hits : 71
ट्रकमे कार टकराक एक जहन के मौट

धनगढी, २५ चैत । सोम्मार रात कैलालीके गोदावरी नगरपालिका अत्तरियामे रोकके राखल ट्रकमे कार टकराके एकजनहनके मौट हुइल बा कलेसे औरे एकजाने गम्भीर घाहिल हुइल बटैं ।

गोदावरी नगरपालिका २ पहाडी रोडमे रहल खाने पानी ट्याँकी लग्गे रोकके राखल से १ ख १७३१ नम्बरके ट्रकमे बा १४ च ४६३४ नम्बरके कार टकराके कारमे सवार एक महिलाके मृत्यु हुइल प्रहरी जनैले बा ।

जिल्ला प्रहरी कार्यालय कैलालीके निमित्त प्रहरी प्रमुख प्रहरी नायब उपरीक्षक (डिएसपी) प्रतीक बिष्ट मृतक महिला सुर्खेत छिन्छुकी अन्दाजी २५÷२६ बर्षिया सुनिता पुनमगर रहल बटैलैं ।

धनगढी स्थित सेती प्रादेशिक अस्पतालमे उपचारके क्रममे पुन मगरके मृत्यु हुइल डिएसपी बिष्ट जानकारी डेलैं ।

कारके चालक कञ्चनपुरके शुक्लाफाँटा नगरपालिका वडा नम्बर ५ वनसमितिके २८÷३० वर्षिय नरेन्द्र कुँवर घाहिल हुइल बाटै । ओहकान धनगढी स्थित निसर्ग अस्पतालमाके आइसियुमे उपचार हुइटी रहल प्रहरी जनैले बा ।

जनआवाजको टिप्पणीहरू