सुदूरपश्चिममे १ हजार ६५ मत गिरल

समाचार २६ चैत्र २०७७, बिहीबार Hits : 30
सुदूरपश्चिममे १ हजार ६५ मत गिरल

धनगढी, २६ चैत । सुदूरपश्चिममे पत्रकार महासंघके निर्वाचन सम्पन्न हुइल बा । सकारे ९ बजेसे साँझ ५ बजे सम सुदूरके ९ जिल्लाके टमान ठाउँसे मतदानके व्यवस्था करल रहे । प्रदेशमे जम्मा १ हजार ६५ मत गिरल बा । जेम्ने बाजुरा जिल्लामे १०८ मतदाता रहलमे ९८ मत गिरल बा ।

ओस्टके बझाङमे ८२ मतमे ६८, बैतडीमे १३२ मतदाता रहलमे ८४ मत गिरल बा । यहोर कैलालीमे १९३ मतदाता रहलमे १८७ मत गिरल बा । कञ्चनपुरमे २५३ मध्ये २१७ मत गिरल बा । दार्चुलामे ९८ मतदाता रहलमे ९१ डोटीमे ८९ मतदाता रहलमे ७९ मत गिरल बा । अछाममे १६४ मतदाता मध्ये १५० मत गिरल बा, कलेसे डडेलधुरामे जम्मा मत ९३ रहलमे ९१ मत गिरल बा । मत गणना भर बिफे सकारे ८ बजेसे हुइना जनाइल बा ।

प्रदेश समिति २१ सदस्यीय रहना विधानके प्रावधान रहल बा । नेपाल पत्रकार महासंघ सक्कु नेपाली पत्रकारहुकन के साझा छाता सङ्गठन हो । देश विदेशमे रहल नेपाली पत्रकारहुकनहे सङ्गठित कैटी व्यावसायिक नेतृत्व प्रदान कैना ओ श्रमजीवी पत्रकारहुकन के हकहित रक्षा कैटी सक्कु सञ्चार क्षेत्रके विकासके लाग काम कैना महासंघके मूल ध्येय, लक्ष्य ओ दायित्व हो ।

जनआवाजको टिप्पणीहरू