पत्रकार महासंघके नवनिर्वाचित पदाधिकारीके पदस्थापन

समाचार ६ बैशाख २०७८, सोमबार Hits : 188
पत्रकार महासंघके नवनिर्वाचित पदाधिकारीके पदस्थापन

धनगढी, ६ वैशाख । नेपाल पत्रकार महासंघ, कैलालीके नवनिर्वाचित पदाधिकारी ओ सदस्यहुकनके अँट्वारके रोज धनगढीमे पदस्थापन हुइल बा ।

कार्यक्रममे सुदूरपश्चिम प्रदेशके मुख्यमन्त्री त्रिलोचन भट्ट, प्रदेश सभा सदस्यहुक्रे डिल्लीराज पन्त ओ अक्कलबहादुर रावल महासंघके नवनिर्वाचित अध्यक्ष हिमाल जोशी ओ पदाधिकारी ओ सदस्यहुकन, महासंघके केन्द्रीय ओ प्रदेश परिषद सदस्यहे प्रमाणपत्र वितरण करलैं ।

उ अवसरमे मुख्यमन्त्री भट्ट पत्रकारितासहित हरेक पक्ष अपन अपन भूमिका कत्रा खरो ढंगसे निर्वाह करले बटी कना बारे आत्मसमीक्षा करेपरना बटैलैं ।

उहाँ कलैं, पत्रकार महासंघ, पत्रकारिता ओ पत्रकार दुरदराजके गाउँवस्तीमे पुग्ना मै आग्रह करटु ।
औरे प्रसंगमे सुदूरपश्चिम प्रदेशके मुख्यमन्त्री भट्ट प्रदेश सरकार परिवर्तनबारे अभिनसम छोट छलफल समेत नैहुइल बटैलैं ।

“टमान समाचार माध्यममे अनुमानके भरमे प्रदेश सरकार परिवर्तन, मुख्यमन्त्री परिवर्तन जैसिन समाचार आइल बा,” पदस्थापन कार्यक्रममे मुख्यमन्त्री कलैं, मने, अभिनसम यीबारे कौनो चर्चा, छलफल समेत हुइल नै हो ।

कार्यक्रममे प्रदेश सभामे नेकपा एमालेके प्रमुख सचेतक तारा लामा तामाङ, नेकपा माओवादी केन्द्रके प्रमुख सचेतक रावल ओ नेपाली का“ग्रेसके सचेतक डिल्लीराज पन्त नवनिर्वाचित पदाधिकारी ओ सदस्यहुकनहे सफल कार्यकालके लाग शुभकामना व्यक्त करलैं ।

उ अवसरमे कैलालीके प्रमुख जिल्ला अधिकारी खगेन्द्रप्रसाद रिजाल, नेपाल पत्रकार महासंघका पूर्व उपसभापति चित्राङ्ग थापा, पूर्व केन्द्रीय सदस्य ओ क्षेत्रीय संयोजकद्वय मनमोहन स्वाँर ओ कर्ण शाह, महासंघके निवर्तमान प्रदेश उपाध्यक्ष दुर्गाप्रसाद भण्डारी, बरिष्ठ पत्रकार घनबहादुर शाह, कैलाली उद्योग वाणिज्य संघका अध्यक्ष पुष्पराज कुँवर, कैलाली निर्माण व्यवसायी संघके अध्यक्ष यज्ञराज उपाध्याय लगायत शुभकामना मन्यव्य व्यक्त करले रहिंट ।

कार्यक्रम महासंघके निवर्तमान अध्यक्ष जगत साउँदके अध्यक्षतामे हुइल रहे । कार्यक्रममे महासंघके उपाध्यक्ष दुर्गा देवकोटा स्वागत मन्तव्य व्यक्त करले रहि कलेसे निवर्तमान जिल्ला सदस्य देवानन्द न्यौपाने कार्यक्रम सञ्चालन करले रहैं ।

जनआवाजको टिप्पणीहरू