कंचनपुर : पुनर्वास नगरपालिका भिट्टरके सक्कु बिद्यालय बन्द

समाचार १५ बैशाख २०७८, बुधबार Hits : 54
कंचनपुर : पुनर्वास नगरपालिका भिट्टरके सक्कु बिद्यालय बन्द

कञ्चनपुर –
कञ्चनपुरके पुनर्वास नगरपालिका भिट्टरके सम्कु बिद्यालय बन्द कैगिल बा ।
जिल्ला प्रशासन कञ्चनपुरके निर्णय अनुसार नगरभित्ररमे रहल सक्कु शैक्षिक संस्था बैशाख १५ गतेसे दोसर सुचना जारी नैहुइल समके लाग बन्द कैना निर्णय करगिल बा ।

अस्तेके नगरपालिकासे पुनर्वास नगरपालिकाके सक्कु खुल्ला नाकासे अबैध रुपमे हुइती रहल आवत जावतहे पुर्ण रुपमे बन्द कैना, भारतसे अइना सक्बु मनैनहुक्रनहे अनिवार्य रुपमे कोरोना परिक्षण कैके आईसोलेसन तथा एकान्तठाउमे कम्तीमे १४ दिन बैठैना निर्णय करल नगरपालिकाके निमित्त प्रमुख प्रशासकिय अधिकृत शिबराज भट्ट बतैले बतै ।


उहाके अनुसार त्रिभुवनवस्ती स्वास्थ्यचौकीमे रहल कोभिड अस्पतालमे अक्सिजन सिलिण्डर लगायतके बिरकुले आवश्यक स्वास्थ्य सामाग्रीके ब्यवस्था कैके अस्पतालके क्षमता बहरैना कैना, ओ आवश्यकता अनुसार आईसोलेसन सेन्टरमे स्थापना कैना ,निर्णय करल बतैले बतै ।
सोमबार जिल्ला प्रशासन कार्यालय कञ्चनपुरसे बिश्वभर फैल्ती रहल कोरोना भाईरसहे मध्यनजर कर्ती बैशाख १५ गतसे बिहानीक ८ बजेसे दिनके ३ बजे सम किल बजार ब्यवसाय खुल्ला कैना पैना ओ शन्चिरके जिल्ला भिट्टरके सक्कु ब्यापार ब्यवसाय पुर्णरुपमे बन्द कैना निर्णय कर्गिल बा ।

जनआवाजको टिप्पणीहरू