धनगढी, ६ वैशाख । मोटरसाइकलके ठक्करसे गम्भीर घाहिल थारु कल्याकारिणी सभा (थाकस) कैलालीके सभापति एवम् थारु अगुवा लाहुराम चौधरीके आझ निधन हुइल बा । उहाँ यिहे शनिच्चरके साँझ मोटरसाइक दुर्घटनामे परके गम्भीर घाहिल हुइल रहैं ।
उहाँहे धनगढीस्थित ट्राफिक चौराहा लग्गे तीब्र गतिमे आइल मोटरसाइकल पाछेसे थक्कर डेले रहे । उहाँहे कञ्चनपुर शुक्लाफाँटा नगरपालिका–४ के २९ वर्षीय समिर घिमिरेसे चलाइल प्रदेश ०२–०३–०१७–प ५९७३ नम्बरके मोटरसाइकल ठक्कर डेले रहे । चौधरीके कपरा, गोर ओ आँखीमे गम्भीर चोट लागल रहिन ।
अचेत अवस्थामे रहल चौधरीके मायामेट्रो अस्पतालके आइसस्यूमे उपचारके क्रममे निधन हुइल अस्पताल जनैले बा । उहाँ शनिच्चरके साँझ टिना किन्ना कहिके घरसे निक्रल रहिट । ठक्कर डेहल चालक ओ मोटरसाइकलहे प्रहरी नियन्त्रणमा लेले बा ।
