धनगढीः धनगढीमे एक जने मरल अवस्थामे फेला परल बटै। धनगढी उपमहानगरपालिका ५ जाली चोकस्थित गोलघर लग्गे एक पुरुष मरल अवस्थामे फेला परल जिल्ला प्रहरी कार्यालय कैलाली जनैले बा।
धनगढी उपमहानगरपालिका वडा नम्बर २ सन्तोषी टोलके ३० वर्षक मनोज जोशी बिहीबार बिहान ६ बजेक समयमे मरल फेला परल कार्यालयके प्रवक्ता प्रहरी नायब उपरीक्षक वेदप्रकाश जोशी बतैलै।
उहाके अनुसार जोशी लागूऔषध सेवन करल देखाइल बा। शंकास्पद कुछ नरहल बताइलै। शव पोष्टमार्टमके लग सेती प्रादेशिक अस्पतालमे लैगिल जनैइल बा। घटना सम्बन्धी अनुसन्धान हुइटी रहल प्रवक्ता जोशी बतैलै।
