धनगढीः उत्पादन घटके निराश सुदूरपश्चिमके किसान सस्तामे गाेहुँ बिक्री कर्न बाध्य हुइल बटै।
नेपाल सरकार समर्थन मूल्य निर्धारण नै करल करण सस्तामे गाेहुँ बिक्री कर्न किसान बाध्य हुइल बटै। गत वर्षके लाग २०७७ फागुन २० गतेके मन्त्रिपरिषद बैठक गाेहुँ मूल्य निर्धारण करलमे इ पालि अभीन मूल्य तोकल नै हाे।
गाेहुँके समर्थन मूल्य निर्धारण नै हुइलक करण खाद्य व्यवस्था तथा व्यापार कम्पनी अभिन गाेहुँ खरिदके प्रक्रिया समेत सुरु नै करल खाद्य व्यवस्था तथा व्यापार कम्पनी लिमिटेड धनगढीके प्रमुख एन्जिला बस्नेत बतैलिन्।
उहा कलै, ‘हाम्रे गाेहुँ खरिद कर्न सुरू नै कैलेहुइ। उप्परसे परिपत्र आइल नै हाे। मूल्य फे निर्धारण हुइल नै हाे।’ नेपाल सरकार गत वर्षके लग तीन हजार एक सय ११ रुपीयाँ प्रति क्विन्टल गाेहुँ मूल्य निर्धारण करल रहे।
तर आर्थिक वर्ष २०७८/०७९ के लग सरकार मूल्य निर्धारण नैकरल हाे। गाेहुँके मूल्य निर्धारणके लाग उद्योग, वार्णिज्य तथा आपूर्ति मन्त्रालय मन्त्रिपरिषदमे प्रस्ताव पेश करेपर्न हो।
तर मन्त्रिपरिषदमे फाइल गइल–नैगइलके बिषयमे मन्त्रालयके अधिकारी अनभिज्ञ बटै। उद्योग वार्णिज्य तथा आपूर्ति मन्त्रालयके प्रवक्ता डाक्टर नारायणप्रसाद रेग्मी मन्त्रालयमे छलफल हुइल तर मन्त्रिपरिषदमे पठाइल बिषयमे जानकारी नैरहल बताइलै।
कैलाली–कञ्चनपुरके किसान गत वर्ष निर्धारण करल मूल्य फे पाइल नैहुइट्। इ पाली सरकार गाेहुँ खरिदके कउनाे फे छाटकाट नैदेखल पाछे किसान उद्योग तथा मिलहमे गहुँ बिक्री कर्न लागल बटै।
सुदूरपश्चिमके भूमि व्यवस्था कृषि तथा सहकारी मन्त्रालयके प्रवक्ता गोकुल बोहरा प्रदेश सरकारसँगे गाेहुँ खरिदके कउनाे योजना नैरहल बतैलै। कैलाली अाे कञ्चनपुरके किसान गाेहुँ भित्र्याइल बटै।
कैलाली अाे कञ्चनपुरमे इ पाली गाेहुँके उत्पादन घटल बा। कैलालीमे ३४ हजार पाँच सय ६५ हेक्टरमे गाेहुँ खेती करलमे एक लाख तीन हजार चार सय ७१ मेट्रिक टन िकल उत्पादन हुइल बा। प्रदेशमे झण्डै १२ प्रतिशतले गाेहुँ उत्पादन घटल बा।
