माध्यमिक शिक्षा परीक्षा (एसईई) आज शुक्रबार बिहानके ८ बजेसे देशभर एकसंग सञ्चालन हुइन । पहिल दिन आज अनिर्वाय अंग्रेजी विषयके परीक्षा हुँइन। परीक्षा वैशाख २० गते सम्म सञ्चालन हुइन ।
राष्ट्रिय परीक्षा बोर्ड, एसइईके परीक्षा नियन्त्रक अर्जुन रायमाझीके अनुसार एसईईमे ५ लाख १४ हजार ९ सय ७७ परीक्षार्थी सहभागी हुँइना बटाइल बा। जउन मध्ये २ लाख ५७ हजार ९ सय २७ छात्र अाे २ लाख ५७ हजार ५३ छात्रा बटै। बोर्ड एसईईके लाग देशभर २ हजार ७ परीक्षा केन्द्र तोकल बा। विद्यार्थीहुक्रे परीक्षा केन्द्रमार्फत परीक्षा देना।
बोर्ड परीक्षाहे व्यवस्थित बनैना प्रदेशस्थित सामाजिक विकास मन्त्रालय अाे जिल्ला परीक्षा समन्वय समितिके व्यवस्थापनमे प्रदेश परीक्षा व्यवस्थापन समिति गठन कैसेकल बा। एसइई परीक्षा सञ्चालनके लाग प्रदेश परीक्षा व्यवस्थापन समिति, परीक्षाके अनुगमनसे उत्तरपुस्तिका परीक्षण, संपरीक्षण अाे रुजुके कामसमेत कर्ने बटै। कोभिड-१९ महामारीके कारण अाघेक दुई वर्ष विद्यालयके आन्तरिक मूल्यांकनके आधारमे राष्ट्रिय परीक्षा बोर्ड ग्रेडसिट जारी करल रहे।
