प्रधानमन्त्रीके विश्वासके मत अस्वीकृत, पक्षमे ९३ विपक्षमे १२४ मत

समाचार २७ बैशाख २०७८, सोमबार Hits : 137
प्रधानमन्त्रीके विश्वासके मत अस्वीकृत, पक्षमे ९३ विपक्षमे १२४ मत

काठमाडौं, २७ बैशाख । प्रतिनिधिसभा बैठकमे प्रधानमन्त्री केपी शर्मा ओली लेहल विश्वासके मत अस्वीकृत हुइल बा । प्रधानमन्त्रीके पक्षमे ९३ ओ विपक्षमे १२४ मत परल बा । ओस्टेके १५ सांसद तटस्थ बैठल बटैं ।

सोम्मार दिनके बानेश्वरस्थित संसद भवनमे हुइल संसदके विशेष अधिवेशनमे प्रधानमन्त्री विश्वासके मत प्रस्ताव कैले रहिंट । बैठकमे जम्मा २३२ सांसद उपस्थित रहिंट । हाल कायम रहल कुल २७१ सांसद मध्ये एमालेके नेता माधव नेपाल पक्षके सांसदनके उपस्थिति नैरहे ।

उहिसे आघे बैठकमे सम्बोधन करटी प्रधानमन्त्री ओली देशके राजनीतिक स्थायित्व ओ स्थायित्वके लाग अपनहे मतदान करक लाग आव्हान कैले रहिंट । मतदानमे नेपाली काँग्रेस, नेकपा माओवादी केन्द्र विपक्षमे मत डरलैं । जनता समाजवादी पार्टी (जसपा) के महन्थ ठाकुर ओ राजेन्द्र महतो पक्षके सांसद तटस्थ बैठ्लैं कलेसे डा. बाबुराम भट्टराई ओ उपेन्द्र यादव पक्षके सांसद विपक्षमे मतदान करलैं ।

जनआवाजको टिप्पणीहरू