ढोंगी बुडु

खिस्सा / बट्कुही ६ जेष्ठ २०७८, बिहीबार Hits : 130
ढोंगी बुडु

लघुकथा

गाउँक् उत्तर ओर डु घर जात उत्तरक छोर्के डख्नेक घर हुँकारे हुइन । हर बातेमेे ढोंगी लगैना पुकारे दुकारे बेर । रे ढोंगी रि ढोंगी, सन्सारीमे सक्कुहुन ढोंगी कना हुँकार पहिलेसे आडट रहिन। उहेक मारे औरे जनहन ढोंगी कहठ कहठ अपनही ढोंगी नाउँ पाइगैल रहिंट ।

ढोंगी बाबा आझ समय संगे छिपगैनै । नाट नटकुर हुइगैलिन मनो ढोंगी बाबा ढोंगिय रहिगैनै । उ ढोंगी कहेक नाइ छोरनै । जन्ना सुन्ना हुइगैल रहिन नटिया ।
आझ स्कुलसे अइटिकि ढोंगी बाबक् नटिया ।लालपियर हुके पुँछे लग्लिन बुडु तुँ काकरे ढोंगी कहिके सक्कुहुन कठो ? आझ टुहिन बटाइक परि । टुहिन पटैबा । एक मुह लेके ढोंगी कठो मनो सौ मुह टुहिन ढोंगी कहिके कठैं । मनै मजा नाइ मजा कठैं । महिन मजा नाइ लागठ । ढोंगी बाबाहे पुँछल इ प्रश्न लावा नाइ रहिन, रहिन टो प्रश्न करुइया जौन प्रश्नक जवाफ आझ टक जवाफ कोइ नाइ पैलेहो । हँस्टी कठैं मैफे ढोंगी हुँ ?

हम्रे सक्कुजाने मनै ढोंगी हुइ । हम्रे जलमसे मरन टक ढोंग पसरठि धोंग कहरठी । सत्य टो मनैंन छोरके आउर साकु होंइ । हमार ना रुप ना कोनो रंग हो । जा मन लागठ उहे कर्ठी । जहाँ जैनास लागठ उहैं जैठी । उठनास बैठनास जस्टेक मन लागठ ओस्टे कर्ठी । हमहन छोरके सक्कु जहनके बैठना खैना से लेके आउर आउर कामेक्फें साह रठिन । जुन रठिन । छेँक रठिन । रुप रठिन । रंग रठिन । हमार का बा आझ हरियार बन्नास लागठ हरियर लट्टा लपेटके ओम्ही रुपरंग मिल्जाइठ ।

जस्टे मन लागठ ओस्टे लट्टा घालके उहिनेसे रंग फेरलेबो । ना खैना पिनक् ठर ठेकान का खैना का नाइ खैना, कब खैना कैसिक खैना । हम्रहन अपनहे अपनही पटा नाइ हो । यहाँ टक कि हम्रे मनैंन अप्ने रुपरंग पटा नाइ हो । मनो डोसरहे डेखके जलम ओ मरनके बिच्चेम सडिमान ढोंग करटी रठी । उहेमारे टैं, मै, उ,ओइने, एने किल नाइ होके हम्रे सक्कु जाने
ढोंगी हुइ उहेमारे मै ढोंगी कठुँ ।
लाछु डंगौरा
टीकापुर-९ रोहनीबोझिया कैलाली

जनआवाजको टिप्पणीहरू