घोडाघोडी नगरपालिकाके गाडीमे आगजनी

पहुरा ६ श्रावण २०७७, मंगलवार Hits : 548
घोडाघोडी नगरपालिकाके गाडीमे आगजनी

६ साउन, कैलाली । कैलाली स्थित घोडाघोडी नगरपालिका के गाडीमे आगजनी करले बाटै । नगरपालिकाके से १ झ २४१ नम्बरके स्कारपियो गाडीमे अज्ञात समूह ओइने आगजनी करल प्रहरी ओइने जनैले बाटै ।

सोमबार रातके करिब ११ बजे गाडीमे आगजनी हुइल रहे । इलाका प्रहरी कार्यालय सुखडके प्रमुख प्रहरी निरीक्षक हरिसरण भट्ट कहनै , ‘आगी समयमे नियन्त्रणमे अइलेक ओरसे धेउर नोक्सान ओ क्षति हुइ नाइ पाइल ।’

उहे गाडी उपप्रमुख प्रेम कुमारी थापा प्रयोग करति आइतहीन । आगलागीसे गाडीके पाछेक भाग जरल प्रहरी ओइने जनैले बाटै ।

नगरपालिकाके निमित्त प्रशासकीय प्रमुखके क्वाटर आगे धारल गाडीमे आगजनी हुइल रहे।

सँगे नगरप्रमुख ममता प्रसाद चौधरी बैथ्ना गाडी हुइलेक ओरसे फे स्थानीयके सहयोगमे आगी नियन्त्रणमे आइल ओ औरे गाडी क्षति हुइनासे बचल प्रहरी ओइने जनैले बाटै ।

जनाअवजको टिप्पणीहरू