बिफे अगहन १५ | थारु संम्बत:२६४५
१५ मंसिर २०७९, बिहीबार
December 1, 2022

थारू म्युजिक भिडियो ‘जिया मोर लागेना’ के धमाधम छायांकन

११ आश्विन २०७८, सोमबार
थारू म्युजिक भिडियो ‘जिया मोर लागेना’ के धमाधम छायांकन


धनगढी, ११ कुँवार । हमार म्युजिक बगिया लावा थारू म्युजिक भिडियो ‘जिया मोर लागेना’ लन्ना तयारी करले बा ।

भिडियोके अब्बे टीकापुर पार्क लगायत टमान ठाउँमे धमाधम छायांकन हुइटी रहल बा । डश्या, डेवारी ओ छठहे लक्षित कैके लाने लागल भिडियोमे थारु समुदायके सखिया, मुंग्रह्वा लगायतके कल्चरल नाचगानहे समेटल बा । लोप हुइटी रहल थारू लोक कला गीतबासहे संरक्षण सम्र्वद्धन ओ प्रमोट कैना उद्देश्यसे म्युजिक भिडियोमे कल्चरल थारु नाचकोर समेटल फेरु चौधरी बटैलंै ।

रोमन्टिक गीत ‘जिया मोर लागेना’ मे बने लागल म्युजिक भिडियोमे देवदास ओ रितु चौधरीके मोडलिङ रहल बा । गीतके शब्द फेरु चौधरी ओ संगीत समिक्षा चौधरीके रहल बा । रियाज स्टुडियोमे रेकर्डिङ हुइल गीतमे बिजय चौधरी समिक्षा चौधरी ओ संगीता चौधरीके स्वर रहल बा । गीतके एरेन्जर पुस्कर खत्री करले बटंै ।

म्युजिक भिडियाके निर्देशन सुधराम दहित करले बटंै कलेसे क्यामेरामे बिहारी दहित ओ मनोज चौधरी रहल बटंै । मेकअपमे सानु कुश्मी रहल बाटी । म्युजिक भिडियो डश्यासे आघे बजारमे अइना जनाइल बा ।