कैलालीके थारु बाहुल ११ पालिकामे लौव समिति चयन
धनगढी, २४ भदौ । कैलालीमे थारु कल्याणकारिणी सभाके जिल्ला ओ केन्द्रीय चुनावके लाग तिब्र तयारी हुइटी रहल बा ।
कैलालीके १३ पालिकामन्से थारु बाहुल रहल ११ पालिकामे पालिकास्तरीय लौवा समिति समिति गठन हुसेकल थारु कल्याणकारिणी सभा कैलालीके कार्यवाहक सभापति माधव थारु जनैलै । कैलालीके धनगढी उपमहानगरपालिकाके सभापतिमे सुर्य प्रसाद चौधरी, कैलारी गाउँपालिकाके सभापतिमे अशोक चौधरी, गोदावरी नगरपालिकाके सभापतिमे जनकलाल चौधरी, घोडाघोडी नगरपालिकाके सभापतिमे रेणुका चौधरी, बर्दगोरिया गाउँपालिकाके सभापतिमे प्यारे चौधरी, लम्कीचुहा नगरपालिकाके सभापतिमे बलराम चौधरी, जानकी गाउँपालिकाके सभापतिमे धनिराम गोजिहार, टीकापुर नगरपालिकाके ुसभापतिमे विमलकुमार डगौरा, जोशीपुर गाउँपालिकामे भैरव चौधरी ओ भजनी नगरपालिकाके सभापतिमे लोकेन्द चौधरीके नेतृत्वमे लौवा कार्यसमिति चयन हुइल बा ।
कैलाली जिल्लामे यिहे कुवाँर ६ गते जिल्ला अधिवेशनके तयारी कैटी रहल थारु कल्याणकारिणीसभा कैलालीके जिल्ला कार्यबाहक सभापति माधव थारु बटैले बटै । जिल्ला सभापतिके लाग दिलबहादुर चौधरी उम्मेदवार बन्ना तयार हुइल बाट ।
थाकस कैलारीके फेरसे अशोक चौधरी
थारु कल्याणकारिणी सभा कैलारीके हसुलियामे हुइल दुसरा गाउँपालिका स्तरीय अधिवेशनसे अशोक कुमार चौधरीके सभापतित्वमे लौव कार्यसमिति सर्व सहमतसे चयन करल हो ।
कार्यसमितिके उपसभापतिमे मनिषा चौधरी, आशादेवी चौधरी, जगलाल डगौराथारु रहल बटै । समितिके सचिवमे रामसमझ चौधरी, सहसचिवमे लक्ष्मण प्रसाद चौधरी, कोषाध्यक्षमे अनिता चौधरी रहल बटै । ओस्टेक करके सदस्यमे रमेशी कुमारी चौधरी, खगेन्द्र प्रसाद चौधरी, अनारकली चौधरी, लाल बहादुर चौधरी विर प्रसाद चौधरी, सन्जुदेवी चौधरी रहल बटै । ओस्टेक और सदस्यमे मोहनलाल चौधरी, नरिता चौधरी, हरिद्वारी चौधरी, विरेन्द्र चौधरी, आरतीदेवी चौैधरी, मायाकमुारी चौधरी, सुमनदेवी चौधरी रहल बटै ।
ओस्टेक जिल्ला पार्सदमे बतासु चौधरी, युवराज राना, लवारी डगौराथारु, सुस्मिता चौधरी, जयराम चौधरी, रामकृष्ण चौधरी, बनसराम चौधरी, भागीराम चौधरी, गीतादेवी चौधरी, सुनिता चौधरी रहल बटै । क्षेत्रीय पार्सदमे तुल्सी चौधरी, केदार चौधरी ओ अशोक चौधरी रहल बटै ।
टीकापुरके सभापतिमे विमलकुमार डंगौरा
ओस्टेक करके शनिच्चरके रोज टीकापुरमे हुइल दुसरा नगरपालिका स्तरीय अधिवेशनसे विमल कुमार डंगौराके सभापतित्वमे लौव कार्यसमिति सर्व सहमतसे चयन करल हो ।
कार्यसमितिके उपसभापतिमे धना चौधरी, रिता चौधरी रहल बटै । समितिके सचिवमे मायाराम चौधरी, कोषाध्यक्षमे सीता चौधरी रहल बटै । ओस्टेक करके सदस्यमे सुमनकुमार चौधरी, तुल्सी चौधरी, जंगबहादुर चौधरी, राजदेवी ओ नेहा दहित रहल बटै । ओस्टेक एक जाने सदस्य नगर समितिके बैठकसे थप्ना कैना सहमति हुइल बा ।
साभारः पहुरा
