मंगर अगहन १४ | थारु संम्बत:२६४४
१४ मंसिर २०७८, मंगलवार
November 30, 2021

स्वास्थ्य, शिक्षा, आवास ओ खाद्य अधिकारके सवालमे अन्तरक्रिया

२० आश्विन २०७८, बुधबार
स्वास्थ्य, शिक्षा, आवास ओ खाद्य अधिकारके सवालमे अन्तरक्रिया


कंचनपुर, २० कुवाँर । अनौपचारिक क्षेत्र सेवा केन्द्र सुदुपश्चिम प्रदेश कार्यालय धनगढीसे कंचनपुर जिल्लामे संचालित स्थानीय समुदायहे सचेत परटी जिम्मेवार निकायहे जवाफडेही बनैना कार्यक्रम अन्तरगत पुनर्वासके शिक्षा, स्वास्थ्य, खाद्य ओ आवास अधिकारके सवालमे अन्तरक्रिया करले बा ।

कार्यक्रममे मानव अधिकार समुहसे पहिचान करल शिक्षा, स्वास्थ्य, खाद्य ओ आवास अधिकारसंगे सरोकार ढर्ना मुख्य सवाल ओ समस्या समाधान करेक लाग पुनर्वास नगरपालिकाके ध्यान आकर्षण करैटी मानव अधिकार समुहके संयोजक पर्शुराम विश्वकर्मा नगर प्रमुख जीवनराज थापाहे ध्यान आकर्षणपत्र बुझैले रहिट ।

कार्यक्रममे मानव अधिकार समुहसे पुनर्वास नगरपालिका क्षेत्रमे पहिचान करल शिक्षा, स्वास्थ्य, खाद्य ओ आवास अधिकारसंगे सरोकार ढर्ना खास सवाल ओ समस्या इन्सेक सहजकर्ता कैलाश पनेरु छलफलके लाग प्रस्तुत करले रहिट ।

ध्यान आकर्षण पत्र बुझ्टी नगर प्रमुख थापा मानवअधिकार समुहसे पहिचान करल समस्या ओ सवालमसे कट्रा सवाल नगरपालिकासे सम्बोधन करसेकल ओ बाँकी रहल सवाल समेत हाली संम्वोधन कैना प्रतिबद्धता जनैटी मानवअधिकार समुहसे नगरपालिकाके महत्वपुर्ण सवाल ओ समस्या औल्याडेहलमे मानव अधिकार समुहके साथे इन्सेकहे धन्यवाद ज्ञापन करलंै ।

नेपाल सरकारके निति अनुरुप पुनर्वास नगरपालिकाके प्रत्येक वडामे स्वास्थ्य संस्था स्थापना करके संचालनमे नानल जानकारी पुनर्वास नगरपालिका वार्ड नं. ९ के अध्यक्ष नारायण प्रसाद जोशी करैलंै । उहाँ समस्या केल औल्यइनासे नगरपालिकासे करल मजा काममे समेत ध्यान डेना मानव अधिकार समुहहे आग्रह करलंै ।

पुनर्वास नगरपालिकाके सामुदायिक विद्यालयके आधारभुत तहमे बालबालिकाके संख्या न्यून रहल ओ माध्यामिक तहमे बालबालिकाके संख्या अधिक रहल, कट्रा मर्च करे पर्ना विद्यालयहे टमान खाले विवादके कारण मर्च करे नैसेकल ओरसे विद्यालयमे बालबालिकाके अनुपातमे शिक्षकहुकनके व्यवस्थापन कैना समस्या हुइटी रहल उहाँ बटैलंै ।
नगरपालिकासे सुआहारा लगायत टमान गैरसरकारी संस्थासंगके साझेदारीमे सुनौला हजार दिनके बालबालिका ओ डाइके लाग टमान पोषण सम्बन्धी कार्यक्रम संचालन करटी रहलेसेफें बालबालिकाके कुपोषणके अवस्थामे सुधार आइ नैसेकलमे सरोकारवालाके ध्यान जैना आवश्यक रहल बाट सामाजिक विकास शाखाके प्रतिनीधि कृष्णबहादुर तामाङ बटैलंै ।

रैकवार खबरके धनबहादुर विश्वकर्मा मुक्त हलिया वस्तीके लाग कहटी राष्ट्रिय आवास कम्पनीमे निर्माण करल २५ ठो घरमे मुक्त हलिया बसोवास नैकरेबेर निर्माण करल घर जिर्ण हुइटी गैल उल्लेख करटी, मुक्तहलियाहुकनके तथ्याङक संकलनमे व्याप्त गल्टी हुइल ओरसे वास्तविक तथ्याङकसे छुटल ओ गैर हलिया समावेश हुइल ओरसे मुक्तहलियाके तथ्याङकहे पुनराबलोकन कैना आवश्यक रहल बटैलंै । उहाँ सरकारी सेवासे अबकाश प्राप्त कर्मचारी ओ तीन–तीन बिगाह जग्गाके मालिकफें मुक्त हलियाके तथ्याङकमे समावेश हुके नेपाल सरकारसे दश ढुर जमिनमे बनाइ डेहल घर खाली रहल तर्क डेलंै ।

पुनर्वास नगरपालिकामे यी वर्ष मलखाद वितरण करेक लाग नगरक्षेत्रमे क्रियासिल ११ ठो सहकारी छनौट होसेकल ओ प्रदेश सरकारसे पुनर्वास नगरपालिकाके मलखादके कोटा साल्टे«डिङ्ग कार्यालय धनगढीसे छुट्यइना निर्यण समेत करसेकल ओरसे पुनर्वास क्षेत्रके किसान यी बरससे समयमे आवश्यक मात्रामे सुलवदरमे मलखाद पैना पुनर्वास नगरपालिकाके कृषि शाखा प्रमुख ललिता चौधरी विश्वास व्यक्त करलंै ।