बुध अगहन १५ | थारु संम्बत:२६४४
१५ मंसिर २०७८, बुधबार
December 1, 2021

सहकारी संस्था लिमिटेड विमा सुविधा रकम हस्तान्तरण

२० आश्विन २०७८, बुधबार
सहकारी संस्था लिमिटेड विमा सुविधा रकम हस्तान्तरण


मसुरिया, २० कुवाँर । किसान बहुउद्देश्यीय सहकारी संस्था लिमिटेड मसुरिया शाखा मंगरके रोज मृतक जोखन राम डंगौराके परिवारहे विमा सुविधा रकम हस्तान्तरण करले बा ।

कैलारी गाउँपालिका–९ के अध्यक्ष खेमराज चौधरीके वडाके पहुना ओ किसान बहुउद्देश्यीय सहकारी संस्था लिमिटेड मसुरिया शाखाके प्रमुख किरण चौधरीके अध्यक्षतामे फगनीहे ५ लाख ६३ हजार ८७२ रुपियाँके हस्तान्तरण कैगिल बा ।

लिमिटेडके मसुरिया सदस्य फगनी देवी चौधरीके गोसियाके मरण पश्चात विमा सुविधा रकम डेहल हो । जोखनके गैल जेठ २ गते कोरोना संक्रमणसे ज्यान गैल रहिन । सदस्य फगनी गैल पुष २७ गते लिमिटेडके मसुरियासे लोन लेहल रहिट ।

किसान बहुउद्देश्यीय सहकारी संस्था लिमिटेड मसुरिया शाखासे श्रद्धाञ्जली सभाके आयोजना करके विमा सुविधा रकम हस्तान्तरण करल शाखा प्रमुख किरण बटैली ।

कार्यक्रममे सुपरिवेक्षण विभाग प्रमुख प्रकाश कुमार जि सी, लिमिटेड मसुरिया शाखाके महिला समुहके सदस्यहुकनके उपस्थिति रहे ।