बुध अगहन १५ | थारु संम्बत:२६४४
१५ मंसिर २०७८, बुधबार
December 1, 2021

कार्तिक ५ गते जिल्ला भेला हुइना थरूहट मोर्चाके कपिलवस्तु जिल्ला समिति गठन

२० आश्विन २०७८, बुधबार
कार्तिक ५ गते जिल्ला भेला हुइना थरूहट मोर्चाके कपिलवस्तु जिल्ला समिति गठन


कपिलवस्तुु, २० कुवाँर । थरूहट थारूवान राष्ट्रिय मोर्चा कपिलवस्तुके चन्द्रौटामे बुधबार जिल्ला तदर्थ समिति गठन कैल बा ।
मोर्चा प्रकाश चौधरीके संयोजकत्वमे १३ सदस्यीय समिति गठन कैल हो । समितिके सहसंयोजमे माधव थारू रहल बटैं । ओस्टके सदस्य ओइनमे गोपी थारू, इन्द्र बहादुर थारू, संदीप कुमार थारू, श्री निवास थारू, खेम चौधरी, प्रमिला थारू, सतिश थारू, रेशम चौधरी, अर्जुन चौधरी, उत्तम चौधरी, राम नरेश थारू रहल बटैं ।

समितिके सल्लाहकारमे कपिलवस्तु जिल्लाके शिवराज नगरपालिकाके उपमेयर शिवकुमारी चौधरी, राम अवटार चौधरी ओ सीताराम थारू रहल बटैं । मोर्चा अइना कार्तिक ५ गते चन्द्रौटामे जिल्ला भेला फेन कर्ना जनैले बा ।

कार्यक्रममे मोर्चाके केन्द्रिय संयोजक लक्ष्मण चौधरी, कैलाली जिल्ला संयोजक माधव थारू लगायत नेता ओ कार्यकर्ता ओइनके उपस्थिति रहल रहे ।