बुध अगहन १५ | थारु संम्बत:२६४४
१५ मंसिर २०७८, बुधबार
December 1, 2021

अपराध न्यूनीकरणमे प्रहरीके भूमिका

२० आश्विन २०७८, बुधबार
अपराध न्यूनीकरणमे प्रहरीके भूमिका


धनगढी, २० कुँवार । सुदूरपश्चिम प्रदेशके मुख्यमन्त्री त्रिलोचन भट्ट समाजमे हुइना अपराध न्यूनिकरणमे प्रहरीके भूमिका महत्वपूर्ण रहल बटैले बटंै ।

६६ औँ प्रहरी दिवसके अवसरमे प्रदेश प्रहरी कार्यालय धनगढीमे आयोजित कार्यक्रममे बोल्टी उहाँ प्रहरी अकली समाजमे हुइना सक्कु खाले अपराध न्यूनिकरण कैना कर्रा हुइना हुइल ओरसे आमनागरिकके भूमिका फेन सकारात्मक हुइ पर्ना बटैलंै ।

टमान कठिनाइके बाबजुद फेन प्रहरी नागरिकहे सुरक्षा प्रदान करटी रहल उहाँ बटैलंै । उहाँ देशके औरे ठाउँमे घटल घट्नासे ढेर सुदूरपश्चिममे छोटमोट घट्ना हुइलेसे फेन ढिउर चर्चा पैना करल टिप्पणी करलैं ।

उहाँ प्रहरीहे उच्च मनोबलके संगे काम कैना आग्रह करटी अपराध अनुसन्धानमे हुइना ढिलाइसे अपराधिके मनोबल बर्ह्रटी जाके समाजमे शान्ती सुरक्षाके अवस्था खलबलैना अवस्थासे सतर्क रहे पर्ना बटैलैं ।

मुख्यमनत्री भट्ट नागरिक ओ प्रहरीबीच सुमधुर सम्बन्ध कायम कैके आघे बह्र्रना जरुरी रहल बटैलंै ।

कार्यक्रममे सुदूरपश्चिम प्रदेशके आन्तरिक मामिला ओ कानुन मन्त्री पूर्णा जोशी निर्मला पन्त ओ अस्मिता धामी न्याय पाइ पर्ना बटैले बटि । मन्त्री जोशी बलात्कारपाछे हत्या करल कंचनपुरके निर्मला पन्त ओ डडेल्धुराके अस्मिता धामी न्याय पाइ पर्ना बटाइल हुइटी ।

उहाँ कहली, ‘कंचनपुरके निर्मला सवा २ बरस ओ डडेल्धुराके अस्मिता मरण प्रकृयाके लगभग ६ महिना पुग्लेसे फेन आभिन अनुसन्धानके नतिजा अइना बाँकी रहल बा । अपराध अनुसन्धानमे हुइना ढिलाइसे समाजमे थप अपराधके घटना बर्ह्रना ओ अपराधिके मनोबल बह्र्रटी जैना कहटी उ कार्यमे प्रहरीहे हाली सफलता मिले’ ।

कार्यक्रममे कर्तब्य पालनाके सिलसिलामे प्राण आहुती करुइया अमर प्रहरी प्रति श्रद्धाञ्जली अर्पण कैटी सहादत प्राप्त करुइया प्रहरी परिवार ओ प्रहरी संगठनहे सहयोग पुगुइया टमान व्यक्ति ओ संघसंस्थाहे सम्मान करल रहे ।