सोम्मार कार्तिक ०१ | थारु संमब:२६४४
१ कार्तिक २०७८, सोमबार
October 18, 2021

माध्यमिक स्तरीयके हाजिरी जवाफ प्रतियोगिता

२२ आश्विन २०७८, शुक्रबार
माध्यमिक स्तरीयके हाजिरी जवाफ प्रतियोगिता


बर्दिया, २२ कुँवार । राजापुर नगरपालिका वडा नम्बर २ स्थित युनिक नेपालके आयोजनामे माध्यमिकस्तरीय हाजिरी जवाफ प्रतियोगिता हुइल बा ।

युनिक नेपाल ओ युनिक स्पोर्टस् क्लबसे संयुक्तरुपमे सप्ताह व्यापी युवा सशक्तिकरण अभियान चलाइल अभियानके संयोजक सोम डेमनडौरा जानकारी डेलैं ।

युनिक नेपालके सहयोग ओ युनिक स्पोर्टस् क्लब, जोतपुरके आयोजनामे हुइल प्रतियोगितामे राजापुर नगरपालिका ओ गेरुवा गाउँपालिकाके १२ माध्यमिक विद्यालयके १६ ठो समूह सहभागी हुइल रहे ।

उ अभियानमे कुँवार २१ गते माध्यमिकस्तरीय हाजिरी जवाफ प्रतियोगिता, २२ ओ २३ गते व्याडमिन्टन प्रतियोगिता, २५ गते युवा श्रमिकके लाग अधिकार, सुरक्षा ओ बचत सम्बन्धि अभिमुखीकरण, २६ गते असल अभिभावकत्व सम्बन्धी अभिमुखीकरण ओ २७ गते सकरात्मक सोंच ओ नेतृत्व विकासके लाग युवा उत्प्रेरणा कार्यक्रम तय हुइल आयोजक जनैले बा ।

हाजिरी जवाफ प्रतियोगितामे ग्रीन ग्लोबल माध्यमिक विद्यालय प्रथम, कालिका माध्यमिक विद्यालय द्वितीय ओ जनता माध्यमिक विद्यालय तृतीय हुइल बा ।

विजेता प्रथम समूहहे ३ हजार ५ पाँच ओ स्टेशनरी, द्वितीय समूहहे २ हजार ५ पाँच ओ स्टेशनरी, तृतीय समूहहे १ हजार ५ पाँच ओ स्टेशनरीसहित प्रमाणपत्र प्रदान करल बा । प्रथम हुइल समूहमे समिर थापा, विमोचन थारु ओ लोकेन्द्र धामी रहल बटैं कलेसे डोस हुइल समूहमे कमल ढुंगाना, अर्पण थारु ओ सबिना चौधरी रहल बटैं । ओस्टेक टेसर हुइल समूहमे अर्बिन थारु, ऐकेन्द्र थापा ओ बिनोद खत्री रहल बटैं ।

कार्यक्रमके उद्घाटन युनिक नेपालके अध्यक्ष प्रिमबहादुर थारु करले रहैं । कार्यक्रम रामस्वरुप थारुके अध्यक्षतामे हुइल रहे । कार्यक्रमके सहकार्य जंग्रार साहित्यिकबखेरी, जोतपुर बरघर समिति, हगेना इन्टग्रेटेड एग्रो फार्म, ओम इन्टरप्राइजेज करले रहे ।

[TheChamp-FB-Comments]