धनगढी, ९ कात्तिक । धनगढीके सेती प्रादेशिक अस्पतालमे उपचाररत थप एकजाने कोरोना संक्रमितके ज्यान गैल बा । कंचनपुरके लालझाडी गाउँपालिका–४ के ५८ वर्षीया महिलाके मरण हुइल अस्पतालके सूचना अधिकारी दिलिप कुमार श्रेष्ठ जानकारी डेलैं ।

ओस्टके पाछेक २४ घण्टामे ५२ नमूना परीक्षण करेबरे १० जहनमे कोरोना संक्रमण पुष्टि हुइल बा । हाल अस्पतालमे १२ जहन कोरोना संक्रमितके उपचार हुइटी रहल बा । ओमसे ५ जहनके आइसियूमे उपचार हुइटी बा जो २ जहनके भेन्टिलेटरमे उपचार हुइटी रहल अस्पताल जनैले बा ।