मंगर अगहन १४ | थारु संम्बत:२६४४
१४ मंसिर २०७८, मंगलवार
November 30, 2021

दुई दिनम ९ हजारसे धेर जन लगइल धनगढीम भेरोसेल खोपके दोश्रो डोज

१२ कार्तिक २०७८, शुक्रबार
दुई दिनम ९ हजारसे धेर जन  लगइल  धनगढीम भेरोसेल खोपके  दोश्रो डोज

धनगढी,१२ कात्तिक । धनगढी उपमहानगरपालिकाम दुई दिनम ९ हजारसे धेर कोभिड-१९ के भेरोसेल खोपके दोश्रो मात्रा लगाइल बाट ।

भेरोसेलके दोस्रो मात्रा लगाइना अभियान अन्तर्गत १० ओ ११ गते ९ हजार ४ सय १९ जन दोस्रो मात्राके खोप लगाइल उपमहानगरपालिका जनइल बा ।

१८ बर्षसे उप्पर पहिलो खोप लगाइल सक्कुजन खोप लगाइल बाट । खोप अभियान अन्तर्गत  आज शुक्रबार फे फुलबारी स्वास्थ्य चौकीम भेरोसेलके दोस्रो मात्रा लगाइना कार्यक्रम जारी रहल बा ।

तोकल स्थानम उपस्थिति होक खोप लगाइक लाग सक्कु वडा बासीह उपमहानगरपालिकाके मेयर नृप बहादुर वड अनुरोध कर्ल बाट । उहा खोप लागाइ आइबेर अनलाइन फर्म भरक दर्ता नम्बर ओ परिचय खुल्ना परिचयपत्र लेक अइना आग्रह कर्ल बाट ।