अत्वार माघ ०९ | थारु संम्बत:२६४५
९ माघ २०७८, आईतवार
January 23, 2022

तलब वृद्धि नैहुइलमे डोटीमे विद्यालय बन्द

१४ कार्तिक २०७८, आईतवार
तलब वृद्धि नैहुइलमे डोटीमे विद्यालय बन्द


धनगढी, १४ कात्तिक । जिल्लाके पश्चिमी क्षेत्रमे पर्ना आदर्श गाउँपालिकामे रहल ३३ विद्यालय अनिश्चितकालके लाग बन्द कर्र्ना निर्णय कैल बा ।

गाउँपालिका विद्यालयके कर्मचारी ओ बाल विकास सहजकर्ताके तलब वृद्धि कर्ना सरकारके निर्णय पालना नैकरल कहटी आन्दोलनरत कर्मचारी ओ सहजकता विद्यालय अनिश्चितकालके लाग बन्द कर्र्ना निर्णय करले बटैं ।

पालिका सरकारके निर्णयानुसार कर्मचारीके तलब वृद्धि करेपर्र्ना कहटी करल विद्यालय बन्दके यहाँके गाउँपालिका शिक्षक महासंघ ऐक्यबद्धता जनैटी आन्दोलनमे सहभागिता जनैले बा ।

जिल्लामे रहल औरे पालिका अपन विद्यालयके शिक्षकसंगके सहमतिमे पारिश्रमिक बह्र्राइल तर उक्त गाउँपालिका बेवास्ता करके कहटी शिक्षक ओ कर्मचारी आन्दोलित बनल गाउँपालिका शिक्षक महासघंके अध्यक्ष गणेश दाहल जानकारी डेलैं ।

उहाँके अनुसार संघीय सरकार निर्णय करलबमोजिम स्थानीय सरकारके ओरसे प्रतिव्यक्ति रु सात हजार पारिश्रमिक बरह्रैपर्ना ओ माग पूरा नैहुइलसमके लाग गाउँपालिकामे रहल ३३ ठो विद्यालय बन्द कर्र्ना निर्णय कैके तालाबन्दी कैल हो ।

कोरोना भाइरसके कारण विद्यार्थीके परहाइ पुरा हुइ नैसेके अन्योलता कायमे रहल बेला पुनः शिक्षकसे विद्यालय बन्द हुइना दुःखद् रहल ओ विद्यालय कर्मचारी ओ सहजकर्ताके माग हाल्ली सम्बोधन कैके विद्यालय सञ्चालन करेपर्र्ना नेपाल विद्यार्थी सघंके अध्यक्ष गणेश खड्का बटैलैं । गाउँपालिका तलब वृद्धिके विषयमे कौनो फेन आधिकारिक धारणा सार्वजनिक करल नैहो ।