धनगढी,१४ कात्तिक । कैलाली जिल्ला सितोरियो कराते संघके आयोजनाम संचालन हुइल ‘बिशेष कराते प्रशिक्षण’ शनिवार सम्पन्न हुइल बा ।
ओह अवसरम खेल क्षेत्रम महत्वपूर्ण योगदान पु¥याइल तीन जहन सम्मान फे करगील बा । नेपालमै पहिलोपटक सितोरियो करातेह भियाइना नेपाल सितोरियो कराते संघाके संस्थापक तथा पूर्व प्रशिक्षक थानेश्वर राई, कैलाली जिल्ला खेलकुद विकास समितिके अध्यक्ष तथा कराते प्रशिक्षक ललित खत्री ओ ८ औं साफ च्याम्पियनशीपम पदक विजेता एव करातेके राष्ट्रिय प्रशिक्षक मकेन्द्रबहादुर सिंहह सम्मानित करल बा ।
कार्यक्रमम तीनै जहन प्रदेश सभा सदस्य पन्त ओ नेपाल सितोरियो कराते संघके कैलाली अध्यक्ष भोजबहादुर बम प्रमाणपत्रसहित दोसल्ला ओढाक सम्मान कर्ल बाट।
उक्त कार्यक्रमम सुदूरपश्चिम प्रदेश भरके प्रदेश खेलकुद ओ जिल्ला खेलकुद समितिम कार्यरत कराते प्रशिक्षकहुक्र तथा स्वयंसेवक प्रशिक्षकहुक्र गरि सय जहनसे धेर कराते प्रशिक्षकहुकनके सहभागिता हुइल रह ।
