गायन रियालिटी शो ‘द भ्वाइस किड्स नेपाल’ प्रसारणम आइना हुइल बा। ‘द भ्वाइस किड्स नेपाल’ आइती रहल कात्तिक २६ गतेसे हिमालय टेलिभिजनम प्रसारण हुइना बा ।
‘द भ्वाइस किड्स नेपाल’ आधिकारिक फेसबुक पेजसे प्रसारणबारे जानकारी देल बा । ई शो हप्ताम शुक्रवार ओ शनिवार ८ बजे प्रसारण हुइ ।
बालबालिकाके प्रतिभाह विश्व सामु देखइना उद्देश्यसे यी शो करल आयोजक बतैल बाट। शो के ब्लाइन्ड अडिसन छायाङ्कन होसेकल बा ।
‘द भ्वाइस किड्स’ के निर्णायकम गायक राजु लामा, प्रमोद खरेल, प्रविशा अधिकारी ओ मिलन नेवार रहल बाट । यी शोम फे ‘द भ्वाइस अफ नेपाल’ के निर्देशक लक्ष्मण पौडेलके निर्देशन रहल बा ।
