काठमाडौं : टी–ट्वेन्टी विश्वकप क्रिकेटके सेमिफाइनलके खेल काल ओ परउ हुइक्लाग बा । समूह चरणके खेल गिल रात सेक्तिकि अब काल ओ परउ सेमिफाइनलके खेल हुइना बा।
गिल काल रात पौने ८ बजे अबुधाबीम हुइना पहिलो सेमीफाइनल खेलम इङल्याण्ड ओ न्यूजिल्याण्ड भिरही । ओस्तक परउ रात दुबईम हुइना खेलम अस्ट्रेलिया ओ पाकिस्तानबीच प्रतिस्पर्धा हुउया बा ।
आईसीसी ट्वेन्टी–ट्वेन्टी विश्वकप क्रिकेटके उपाधि भिडन्त भर १४ नोभेम्बरम अबुधाबीम हुइ ।
यीहिसे आग गिल रात समूह दुईके भारत ओ नामिबियाबीचके खेलसँग समूह चरणके खेल ओराइल बा । अन्तिम खेलम भारत नामिबियाह ९ विकेटसे पराजित हुइल हो । समूह चरणसे बाहर हुइल भारत नामिबियाह प्रभावशाली जित करल हो ।
