जिल्यान्ड आईसीसी टी–२० विश्व कप क्रिकेटके फाइनलम प्रवेश कर्ल बा । गिल रात आबुधाबीम हुइल खेलम इङ्ग्ल्यान्डह ५ विकेटसे हरइति न्युजिल्यान्ड पहिलो पटक टी–२० विश्व कप क्रिकेटके फाइनलम पुगल हो ।
जितके लाग १६७ रनके लक्ष्य पछ्याएल न्युजिल्यान्ड ६ बल आघ नै ५ विकेट गुमाक भेट्टाइल । न्युजिल्यान्डके ओपनर डर्याल मिचेल ७२ रनम अविजित रल्ह । न्युजिल्यान्डकाडेभन कन्वेल ४६ तथा जेम्स निसामल २७ रन जोर्ल । इङ्ग्ल्यान्डके लियाम लिभिङस्टोन ओ क्रिस वोक्स समान २ओ २ तथा आदिल रासिदल एक विकेट लेल ।
टस हार्क पहिला ब्याटिङ करल इङ्ग्ल्यान्डल निर्धारित ओभरम ४ विकेट गुमइति १६६ रन बनाइल रल्ह । इङ्ग्ल्यान्डके मोइन अली ५१ रनम अविजित रल्ह । डेविड मलानाल ४१ ओ जोस बटलरल २९ रन जोर्ल । न्युजिल्यान्डके ईश सोधी, एडम मिल्ने, टिम साउथी ओ जेम्स नासम समान १ओ १ विकेट लेल ।
यी आग न्युजिल्यान्ड सन् २००७ ओ २०१६ के संस्करणम सेमिफाइनलसे बाहेर हुइल रल्ह । सन् २०१६ के सेमिफाइनल खेलम न्युजिल्यान्ड इङ्ग्ल्यान्डसे ७ विकेटलेक पराजित हुइल रह ।
दोस्रो सेमिफाइनलम आज अस्ट्रेलिया ओ पाकिस्तान खेलट । न्युजिल्यान्ड उपाधिके लाग आइतवार आजके विजेतासँग खेलहि ।
