महेन्द्रनगर: कञ्चनपुरके शिवानी दुवे रौतहटम सम्पन्न इण्डो–नेपाल कुस्ती प्रतियोगिताम स्वर्ण पदक जित्ल बती । रौतहटके सित्तलपुरम दुवे भारतीय खेलाडीह पराजित कर्ती स्वर्ण पदक प्राप्त करली । शिवानी भारतके दिल्ली ओ हरियाणाके खेलाडीह पराजित कर्ती स्वर्ण जितल हुकाहार बाबा एवम कुस्तीके राष्ट्रिय खेलाडी राजु दुवे जानकारी देल ।
शिवानी ५२ किलो तौल समूहके राष्ट्रिय खेलाडी हुइती । राष्ट्रिय प्रतियोगिताम पटक÷पटक स्वर्ण जितल शिवानी नेपालम सम्पन्न १३औँ दक्षिण एशियाली खेलकुद प्रतियोगिता सागम फे पदक जित्ल रही ।
