शनिच्चर माघ ०८ | थारु संम्बत:२६४५
८ माघ २०७८, शनिबार
January 22, 2022

काँग्रेसके मतगणना स्थलम गोली चलल , ७ जन घाइते

८ मंसिर २०७८, बुधबार
काँग्रेसके  मतगणना स्थलम गोली चलल , ७ जन घाइते

काँग्रेसके प्युठान जिल्ला अधिवेशनके मतगणना स्थलम गोली चलल बा । मतगणनाके क्रमम पौडेल–सिटौला पक्षके विष्णुकुमार गिरी अग्रता लेहल पाछ युवाहुकनके समूह मतगणनास्थल स्वर्गद्वारी क्याम्पसम ढुंगा प्रहार कर्ल रल्ह । मतपरिणमम असन्तुष्टि जनइटि युवाहुक्र मतगणनास्थलम आक्रमण कर सुरु करल पाछ प्रहरी गोली चलइलक् हो।

प्रदर्शन उग्र रुप लेहल कटी स्थितिह नियन्त्रणम लेहक् लाग प्रहरी ७ सेल अश्रु ग्यास प्रहार करल जिल्ला प्रहरी कार्यालय प्यूठान जनइल बा । झडपके क्रमम प्रहरीसहित ७ जन घाइते हुइल बाट । घाईतेहुकन उपचारके लाग प्युठान जिल्ला अस्पताल बिजुवार लइगिल बाट । आक्रमणपाछ अब्ब मतगणना कार्य स्थगित हुइल बा ।