धनगढी : सुदूरपश्चिम प्रदेशमे आजसे जार बहर्टी जिना बटाइल बा । पहाडी क्षेत्रमे हिमपात ओ वर्षाके सम्भावना रहल ओरसे जार बहर्टी जिना हुइल हो। पश्चिमी वायुसँग अइना पश्चिमी न्यून चापीय प्रणालीके कारण सुदूरपश्चिम प्रदेश हुँइटि पूरुव ओहर बद्री सर्ना क्रमम रहल मौसम पूर्वानुमान महाशाखा जनइल बा ।
जेकर कारण सुदूरपश्चिम प्रदेशमे आंशिकसे सामान्य बदली होक उच्च पहाडी तथा हिमाली भू-भागके कुछ ठाउँम हल्का हिमपात हुइना सम्भावना रहल महाशाखाके भनाइ बा । संगे सुदूरपश्चिम प्रदेशके कुछ स्थानमे हल्का वर्षाके सम्भावना रहल बा । ओह प्रणालीके कारण आगामी दिनमे तापक्रमम फे गिरावट आक जार आकुर बर्ह सेक्ना सम्भावना रहल बा ।
अइटि रहल शनिवार साँझसे क्रमशः मौसममे धिर -धिर सुधार हुँइटि जिना बटाइल बा । जारसे बच ओ हिमपातसे हुइ सेक्ना प्रभावसे बचक् लाग आवश्यक सुरक्षा ओ सतर्कता अपनाइक् लाग महाशाखा अनुरोध कर्ल बा । हाल (अब्ब) देशम पश्चिमी न्यून चापीय प्रणालीके आंशिक प्रभाव रहल बा ।
