लोप हुइटा थारु ढक्या ओ डेल्वा बुन्ना सीप

लोप हुइटा थारु ढक्या ओ डेल्वा बुन्ना सीप

अञ्जना चौधरी

थारु जातिनक पहिचानसे जोरगीलक कासमुजसे बनाजैना ढक्या, डेल्वा, पैनसटोपी, पन्छोप्नी, ढक्ली हो । थारु जातिनक कौनोफे पुजाआती, शुभकार्य, डान, पहुरा डेहक लाग ओ मनै ओरैलक व्यालाफे ढक्या अनिवार्य प्रयोग करजाइट् । थारु जातिनके सवालम केल निहो क आजकाल गैरथारु जातिनके मेरमेरीक कार्यक्रममेफे पहुना हुकन स्वागत करक लाग ढक्या, डेल्वामे फुला धैक स्वागत करजाइठ । थारु जात ओ गैर थारुनके कौनोफे कार्यक्रमम थारु जन्नी मनै कपारी मन कासमुजले बनागैलक डेल्वा, ढक्या लेक आघ लाईनम पहुना हुकन स्वागत कर बैठल देखजाइठ् । कासमुजले बनाजैना जत्राफे सामानसे ढक्या, डेल्वा, पनछोप्नी, ढक्ली, भौका, पैनस्टोपी यी सक्कु बना जैना मानव सभ्यताके प्राकृतिक सुरुवात हुइलक पाजाइठ । यी थारु जातिनके सभ्यता व संस्कृतिसे जुरल बा ।

कसिक प्रयोगम आईल
अघट्य कौनोफे धातुके विकास घाँस, पत्या जसिन बनस्पतिमसे थारु हुक्र अपन हस्तकलाके प्रयोग कैखन असिन चिज सिर्जैलक संस्कृतविद अशोक थारु बटोइठ । याकर भिट्टर डेल्वा, ढक्या, पनछोप्नी, ढक्ली, भौका पैनस्टोपी, बेर्रा यी सक्कु चिज उहो एक्कठो काँसमुजले बनाजिना चिज हो । याकर इतिहास प्राकृतिक अवस्थासे मानव सभ्यताम आघ बह्र लागल ट थारु हुक्र अपन दैनिक आवश्यता पुरा करक लाग ओ जैसिन चिजके आवश्यकता पर्लन् ओह प्रविधिके सिर्जना अप्हने कर्ल । ओ ऊ कला सीप थारु हुक्र अप्नहे सिर्जाइल हुइंट । पौह्रा डिहेक लाग डेल्वा, पानी छ्वापक लाग पनछोप्नी, पौह्रा उठाइक लाग वा दैनिक सामान ढरकटे ढक्या, आपन नन्डिय हुकनक लाग खेलौना बनैना ओ हुकनफे दैनिक रुपम कौन चिज कसिख प्रयोग कर सेक्जिठा कैख सिखैनाके लाग ढक्ली, लुगा ढरकटे भौका, ढिक्रि उस्नकटे ओ अन्डिक भाट उस्नक लाग पैनस्टोपी असिन चिजके सृजना उत्पादन हुइल मानव सभ्यताके एक्ठो चरण हो ।

थारु जन्याओ अप्हने सर्जक हुइट । कौन आकार डेना, कसिन करैना, सादा करैना कि रंगिन करैना, कत्रा भारी बनैना, कत्रा छोटी बनैना, उहीन कौन चिज कामम प्रयोग कर्ना बेल्सना यी सक्कु चिज थारु जन्याओन के आपन सिर्जना हुइलक संस्कृतविद अशोक थारु कठ ।

रङ्गिन ढक्या काजे प्रयोग नि हुइट
पुजाआँटी च्वाखा काम ओ पवित्र काम हो । रङ्ग कटिकी उहो म केमिकल, रसायनके प्रयोग हुइल रठा । डिउटा हुनक कृत्रिम चिजके प्रयोग निकैख प्राकृतिक चिजके प्रयोग कैख पुजाआँटी कर्लसे च्वाखा नीति मान्जिना हुइलक वर्से पुजाआँटी म रङ्गिन ढक्या प्रयोग नि कैजाईट ।

लोप हुईटी बा ढक्या
थारु जातिनक जन्मनासे ओराईल व्यालासम चाहजिना ढक्या आजकाल लोप हुईटी गैलक पाजिठा । ढकिया लोप हुइटी जैनाम लावा पुस्ता हुकन डोष डेहना कर्जिठा । लावा अइना पुस्ता हुक्र ढक्या बिन्ना कामह महत्व निदेहलक ओर्सेफे लोप हुइना अवस्था अइलक थारु बुद्धीजिबी हुक्र बटोइठ् । हमार संस्कृति ओ संस्कार जोगाइकटे सरकार आघ सर पर्था कनासेफे थारु हुक्र अपन संस्कृति कसिक बचैना हो कैख लाग पर्ना संस्कृतविद थारु कठ । भौकक ठाउँम दराज, पैनस्टोपीक ठाउँम मम बनैना भाँरा, ढक्या डेल्वाके ठाउम प्लाष्टिकके भाँरा आइलक ओर्सेफे थारुनके चलन चल्ती म अइलक काँसमुज मसे बन्ना भाँरा लोप हुइना अवस्थाम पुग्लक पाजिठा ।

आजकाल डाङक दुइठो स्थानीय तह थारु जन्नी मनै काँसमुजमसे बनैना ढक्या, ढक्लि लगायतक लोप हुइटी रहलक सामानहे जोगाइक लाग अग्रसर्ता देखैल बट । डाङके घोराही उपमहानगरपालिका ओ गढवा गाउँपालिका ढक्याके संरक्षणके लाग तालीमफे आयोजना कर स्याकल बा । खासकैख थारु जातीनके जन्नी मनै बनैना हस्तकला लोप हुइटी रहलक ओर्से उहीन संरक्षण करकलाग ढक्या बिन्ना तालिम आयोजना कर्लक घोराही उपमहानगरपालिकाक मेयर नरुलाल चौधरी बटोइल । उह तालीम म सहभागी हुइलक उर्मिला चौधरी आज काल ढक्या बेच्क घरखर्च चलाइक लाग सहज हुइलक बटोइथी । घरक काम सेक्ख पुर्सडके व्यालम डेल्वा, ढक्या बिन्ना कर्लसेफे आज काल माग अनुसारके पुगाइ नि सेक्लक उर्मिला कठी । उर्मिला मेहनत अनुसारक एक्ठो ढक्या एक हजारसे ४ हजार रुपियाँ सम बेच्ना कर्लबटी । पहिल पुरान डिजाइनक ढक्या, डेल्वा बिन्लसेफे आज काल पानक पट्या, लोट्या, पुजाडानी, टेन होल्डर ढक्या, डेल्वा लगायतक बिन्ना कर्ठी । पहिल साधारण ढक्या केल बिन्ना कर्लक उर्मिला गैलक पुस पहिनाम घोराही उपमहानगरपालिका आयोजना कर्लक २० दिन्वा ढक्या बिन्ना तालिमसे लावा लावा डिजाइनक सामान बिन सिख्लक बटइठी ।

(लेखक पत्रकारिता पेशामे संलग्न बाती ।)

अञ्जना चौधरी

अञ्जना चौधरी

जनआवाजको टिप्पणीहरू

पाछेक साहित्य

हे भगवान ओइनहे ना परच्वाएउ

पहिले टे सिरिजल, जलथल ढरटी ।सिरिजीटे गइलाहो कुसकही डाभ ।।हुइनाटे मै गल्ती फेन हो सेक्ठुँ । लकिन मही महा अचम्भ लागठ कि यी पृथ्वीके उत्पत्तीके पुरा इतिहास


भाष्कर देव चौधरी

समानता, शिक्षा ओ रोटी

मनै मुअक टे जर्मलक नै हो, बेन जियक टे जर्मलक हो । प्याट केल पालक टे जिना टे संकिर्ण वा घिनलक्टीक विचार हो । अ‍ैसिन घिन लक्टीक विचारह ठाउँ देलसे मनै उन्नतिम


शत्रुधन गोचाली

अपन लइकन सु–संस्कारवान बनाएक जरुरी

समयके गति अपन धुरीमे बहुट तेजीसे आगे बढतबा । एके केउनाई रोक पाई समयके गतिके साथ साथे हर एक चीजमे बहट तेजीसे परिवर्तन हो रहलबा । पहिलेक समय आउर अबके समयमे बहुट


श्याम सिटी